Lag Tiert
Quest artechel ei screts per sursilvan. |
| Lag Tiert | |
|---|---|
| Datas | |
| Situaziun: | Grischun (Svizra) |
| Surfatscha | 525 m² |
| Profunditad maximala: | -10 m |
| Sbuccada: | Ual Draus, Rein |
| meters sur mar: | 1080 m |
| Inslas: | neginas |
Il Lag Tiert ei in lag situaus a Laax Murschetg el cantun Grischun dalla Svizra gest alla riva digl Ual Draus. Il lag fa part dil sistem carstic che va anavos sin ina dallas pli grondas bovas prehistoricas dall'Europa.[1] El ei aschia colligiaus sutterran culs lags sil territori dalla vischnaunca Flem, numnadamein il Lag Prau Pulté, il Laghet (spazzaus 2007), il Lag Prau Tuleritg, il Lag la Cauma ed il Lag la Cresta cunfinont cun Trin. L'aua entra perquei sutteran el lag ualti rodunds e sbucca da lez direct egl Ual Draus.
Il num dil Lag Tiert sereferscha probabel silla fuorma sut la surfatscha che para sturschida e semeglia in dartguir. Dil Lag Tiert che vegn menziunaus en in document pertenent dretgs d'aua denter Sagogn e Laax egl onn 1535 menava in dutg aua sur Uletsch e Salums giu ellas Foppas ed en Tuora. 1802 ei per la davosa gada in dutg vegnius eregius muort schitgiras e munconza d'aua. La vischnaunca da Laax ha concediu da tschaffar l'aua el Lag Tiert als vischins da Sagogn. En consequenza dall'emprema uiara mundiala han ins calau da mantener ils dutgs egl Uaul Grond.[2] Ozilgi vegn l'aua duvrada per producir electricitad.
Impressiuns[modifitgar | modifitgar il code]
-
Il lag Tiert la primavera
Fontaunas[modifitgar | modifitgar il code]
- ↑ Flims Electric Ovra electrica Lag Tiert
- ↑ Bundi, Martin. Zur Geschichte der Flurbewässerung im rätischen Alpengebiet. Verlag Bündner Monatsblatt Chur 2000. p. 45-47.