Mevina Puorger

Mevina Puorger Pestalozzi (* 1956) è ina romanista, translatura ed editura svizra.

Vita ed ovra

Mevina Puorger è creschida si a Cuira. Ses studi da romanistica a l'Universitad da Turitg ha ella concludì cun ina promoziun davart la poeta valladra Luisa Famos.

Dapi il 1985 viva ella a Turitg, nua ch'ella lavura sco docenta per lingua e litteratura rumantscha a la Scola auta populara da Turitg ed a l'Universitad da Turitg.

Puorger translatescha ovras rumantschas e talianas e lavura sco editura per la chasa editura Limmat (Turitg). Ultra da quai maina ella si'atgna chasa editura, Edition Mevina Puorger. Ella edescha principalmain ovras rumantschas en ediziuns bilinguas.

Ella è maridada ed ha trais uffants creschids.

Colliaziuns

• Pagina-web dad Edition Mevina Puorger (tudestg)
• Profil da Mevina Puorger Pestalozzi sin la pagina-web da la chasa editura Limmat (tudestg)