Scoula ota ecclesiastica da Wuppertal e Bethel

Ord Wikipedia
Jump to navigation Jump to search
Write.svg Questa pagina è scritta en puter.
L'auditori principel da la scoula ota a Wuppertal
Galeria da magisters renomnos da teologia a Wuppertal davaunt l'auditori principel

La scoula ota ecclesiastica da Wuppertal e Bethel (suottitel agiunt ufficielmaing scoula ota per baselgia e diaconia) es üna scoul’ota scientifica a Wuppertal ed a Bethel sper Bielefeld in Germania dal vest. Ella es in possess da las baselgias evangelicas in terra renana ed in Vestfalia. Il pajais federel tudas-ch Rain dal Nord-Vestfalia arcugnuoscha ils examens da stüdis da l’instituziun chi’d es independenta.

Instituziun[modifitgar | modifitgar il code]

La scoula as cumpuona da duos instituziuns parcielas: d'üna vart dal center teologic a Wuppertal, da l'otra vart dal lö a Bethel chi'd es specialiso in cumpetenzas da diaconia.

Pussibiliteds da fer stüdis[modifitgar | modifitgar il code]

La scoula spordscha divers stüdis da teologia e da diaconia (düraunt cha la pedagogica religiusa mauncha). La scoula cooperescha lotiers cun las universiteds da Wuppertal e da Bielefeld. La scoula ho il dret da surder las degniteds da promoziun e da habilitaziun.

Istorgia[modifitgar | modifitgar il code]

La scoula ota ecclesiastica giuvaiva üna rolla importanta i’l cumbat da baselgia düraunt il temp dal naziunelsocialissem. Fundo dal 1935 scu ün lö da scolaziun da ravarendas per la Baselgia confessaunta, gniva la scoula scumandeda e scholta già immediatamaing al di da la fundaziun tres la pulizia secreta da stadi. La scoula pudaiva exister inavaunt illegalmaing fin als prüms ans da la seguonda guerra mundiela.

La vöglia e la decisiun da funder la scoula ota i'l spazi da la baselgia vaiva da chefer cun la pratscha dal stadi naziunelsocialist da dominer viepü las faculteds teologicas e da guadagner influenza sün la scolaziun da ravarendas. Ultra da que pruvaiva la gruppa dals uschedits cristiauns tudas-chs da refurmer la baselgia seguond las ideas da l'ideologia dominanta da quel temp e dimena tenor il principi da mneder.

Impustüt il center teologic a Wuppertal s'inclegia in la tradiziun da la teologia da Karl Barth e cultivescha sia ierta spiertela.

Pagina d'internet[modifitgar | modifitgar il code]