Signuradi

Ord Wikipedia
Jump to navigation Jump to search
Circul da Maiavilla
Il Signuradi
Circul
Bündner Herrschaft Nordsicht.jpg
Il Signuradi cun Landquart, Maiavilla, Jenins e Malans.
Maienfeld (Kreis) wappen.svg
Vopna
Administraziun
Stadi Flag of Switzerland.svg Svizra
Chantun Grischun
District Landquart
Sedia Maiavilla
Territori
Karte Kreis Maienfeld 2011.png
Populaziun 6252 abitants
(31 da december 2009)
Spessezza 84 ab./km²
Internet
Lexicon istoric retic

Il Signuradi (tud. Bündner Herrschaft) respectivamain il Circul da Maiavilla è la part la pli settentriunala dal chantun Grischun en la Val dal Rain da Cuira. Ella è situada a la spunda dretga dal Rain tranter il flum Landquart en il sid, il Rain e la Part Sura Songagliaisa cun Ragaz Bogn en il vest, il Reticon cun Vilan e Falknis en l'ost ed il St. Luzisteig e Liechtenstein cun Balzers en il nord.

Il Signuradi cumprenda las quatter vischnancas da Fläsch, Maiavilla, Jenins (ist. Gianin) e Malans. Ellas furman il circul da Maiavilla en il district dal Landquart che dumbran ensemen radund 5'800 abitants. Il lieu il pli impurtant è Maiavilla cun var 2'400 abitants.

Il num ch'ozendi vegn anc duvrà per il circul datescha dal temp cura che las dretgiras da Maiavilla e Malans eran regiuns subditas a las Trais Lias, la Lia Grischa, la Lia da la Chadé e la Lia da las Diesch Dretgiras. Sco part da la Lia da las Diesch Dretgiras eran ils dal Signuradi dominaturs e dominads a medem temp.

Il Signuradi è la pli gronda regiun da viticultura dal Grischun cun ina posiziun climaticamain favuraivla. Pertutgant il traffic è ella accessibel tras las lingias Cuira-Turitg e Cuira-Son Gagl da la SBB cun la staziun a Maiavilla, la lingia Cuira-Landquart-Claustra-Tavau da la Viafier retica cun la staziun a Malans sco era tras la autostrada A13 cun las sortidas a Bad Ragaz (per Fläsch), Maiavilla (per Maiavilla e Jenins) e Landquart (per Malans).