Utilisader:Andreas/Plazzals/Aura Dione
Aura Dione (* 1985 a Copenhagen), era enconuschenta be sco Aura, è ina chantautura danaisa.
Biografia[modifitgar | modifitgar il code]
Aura Dione è la figlia dad ina magistra da musica cun ragischs feroais e franzos ed in bab da la part settentriunala da Jütland ma cun babuns da la Spagna. Ils geniturs, che èn sa scuntrads per l'emprima giada sin il festival musical Roskilde, han la confruntada cun musica, litteratura ed art en ina vegliadetgna giuvna. Quai aveva per consequenza che ella ha scrit sia emprima chanzun cun be otg onns. Il fatg che ses bab collectescha ghitarras ha er influenzà sia carriera musicala.
Ses geniturs eran hippies e navigavan cun ella per ils oceans dal mund enfin che Aura aveva set onns. Lura èn els sa stabilids sin l'insla danaisa Bornholm en il Mar da l'Ost, nua che Aura frequentava la scola e la scola superiura. Cun 17 onns, suenter la mesadad dal temp da la scola superiura, è ella sa decidida dad ir en l'Australia per sa perfecziunar musicalmain. Là scriveva ella diversas ovras, tranter auter cun l'influenza dals Aborigines australians. Da questa scuntrada è resultada la chanzun Something From Nothing. En quel temp ha Aura midà ses concept per la musica. Ultra da quai concepescha ella quasi tut sia vestgadira, ils covers da ses discs e ses videos en sia atgna maniera individuala.
Musica[modifitgar | modifitgar il code]
«I am writing with humour and irony and with a desire to make a positive difference with my music, my voice and with my life while I am here.»
«Jau scriv cun umor ed ironia e cun il desideri da crear ina differenza positiva cun mia musica, mia vusch e cun mia vita durant che jau sun qua.»
Aura è sut contract tar il major label Universal Music e tar il label danais Music for Dreams. Ses stil musical giascha en la sparta dal pop che è cumponì tranter auter da elements dal folk ed accents da musica electronica.
L'onn 2008 ha ella publitgà sia emprima single Something From Nothing, lura Song For Sophie e sco terza I Will Love You Monday, però a l'entschatta be en il Danemarc. La Universal Domestic Pop („UDP“), ina filiala da la Universal Music, è vegnida attenta ad ella e ha prendida ella sut contract. Sia emprima single ordaifer il Danemarc – I Will Love You Monday (365), ina versiun extendida da sia tarza single danaisa – è vegnida publitgada ils 13 da november 2009 en Germania. En cumparaziun cun la versiun publitgada en il Danemarc cuntegna la single da début en Germania in agen refrain. Il titel è immediatamain entrà en ils top 10 e ha cuntanschì l'emprima plazza dals Deutsche Single-Charts en la 51avla emna da l'onn sco era l'emprima plazza dals Deutsche Airplay-Charts. Columbine, ses album da début, è vegnì publitgà en Germania ils 27 da november 2009.
Discografia[modifitgar | modifitgar il code]
Albums[modifitgar | modifitgar il code]
| Onn | Titel | Plazza en ils charts | |||
|---|---|---|---|---|---|
| DEN[2] | GER[3] | AUT[4] | SUI[5] | ||
| 2009 | Columbine | 3 | 99 | — | — |
Singles[modifitgar | modifitgar il code]
| Onn | Single | Plazza en ils charts | Album | |||
|---|---|---|---|---|---|---|
| DEN[2] | GER[3] | AUT[4] | SUI[5] | |||
| 2008 | Something From Nothing | 7 | — | — | — | Columbine |
| Song For Sophie | 16 | — | — | — | ||
| I Will Love You Monday | 20 | — | — | — | ||
| 2009 | I Will Love You Monday (365) | — | 1 | 25 | 23 | |
Premis[modifitgar | modifitgar il code]
- Danish Music Awards 2009[1]
- „Best Female Artist“ (meglra artista feminina)
- „Best Pop Release“ (meglier album da pop) per Columbine
Funtaunas[modifitgar | modifitgar il code]
- ↑ 1,0 1,1 Aura Dione: Profil da MySpace. Publitgà tar MySpace, clamà ils 29 da october 2009 (englais)
- ↑ 2,0 2,1 Danish Charts
- ↑ 3,0 3,1 German Charts
- ↑ 4,0 4,1 Austrian Charts
- ↑ 5,0 5,1 Swiss Charts