Utilisader:Andreas/Plazzals/Beilngries
| Beilngries | |
|---|---|
 | |
| Datas fundamentalas | |
| pajais federativ: | Baviera |
| circul: | Eichstätt |
| Numer postal: | 92339 |
| Coordinatas: | 49° 02′ n. 11° 28′ o. |
| Autezza: | 368 m.s.m. |
| Surfatscha: | 100,13 km² |
| Abitants: | 8'687 (31. da november 2007) |
| Website: | www.beilngries.de |
Beilngries è ina vischnanca ed ina citad tudestga en il pajais federativ da la Baviera che dumbra 8'687 abitants. La citad ch'è renconuschida dal stadi sco lieu da recreaziun è situada en il parc natiral Altmühltal, la vallada dal flum Altmühl. Politicamain tutga ella tar il circul Eichstätt dal district administrativ Baviera Ota.
Geografia
[modifitgar | modifitgar il code]Posiziun geografica
[modifitgar | modifitgar il code]Beilngries sa chatta en la regiun Altmühl-Jura e vegn percurrida da las flums Sulz ed Altmühl che s'uneschan en l'ost da la citad. En il nord da la citad passa la via d'aua Main-Donau-Kanal (u Europakanal).
Divisiun administrativ
[modifitgar | modifitgar il code]Beilngries sa divida en 21 fracziuns (Ortsteile) ch'èn Beilngries, Amtmannsdorf, Arnbuch, Aschbuch, Biberbach, Eglofsdorf, Gösselthal, Grampersdorf, Hirschberg, Irfersdorf, Kaldorf, Kevenhüll, Kirchbuch, Kottingwörth, Leising, Litterzhofen, Neuzell, Oberndorf, Paulushofen, Wiesenhofen, Wolfsbuch.
Istorgia
[modifitgar | modifitgar il code]Beilngries vegn menziunada per l'emprima giada il 1007 sco Bilingriez. L'onn 1053 ha il lieu ch'ha fatg part da l'uvestgieu dad Eichstätt retschavì sin incitaziun da l'uvestg e papa posteriur Vicor II il dretg da martgà e duana. Enturn l'onn 1300 è la Baselgia da Sontga Walburga vegnida cumplettada. Era en il temp medieval tardiv ha la citad retschavì ina fortificaziun cun mir e fossal, ch'ha evità ina destrucziun da la citad durant la guerra da purs tudestga. Il 1633 ha la citad capitulà senza cumbat a las truppas da Bernard da Saxonia-Weimar. Il 1802 ha l'ultim prinzi-uvestg dad Eichstätt abditgà e Beilngries è vegnida occupada da truppas bavarais. L'onn 1846 è il Ludwigskanal (numnà tenor Ludwig II da Baviera) inaugurà. Quest chanal ha servì a Beilngries principalmain per il commerzi da laina e muvel.
Politica
[modifitgar | modifitgar il code]Cussegl da citad
[modifitgar | modifitgar il code]Il cussegl da la citad da Beilngries sa cumpona da 20 cusseglieras e cussegliers.
- Partida cristiansociala (CSU) 10 mandats
- Partida socialdemocratica (SPD) 2 mandats
- Bloc senza partida/Glista dals burgais (PB/BL) 8 mandats
(Dapi las elecziuns communalas dals 2. da mars 2008)
President da citad
[modifitgar | modifitgar il code]Dapi ils 15. da zercladur 2008 è Brigitte Frauenknecht dals Freie Wähler la presidenta da citad (Bürgermeisterin).