Utilisader:Andreas/Plazzals/Jakob Bundi

Jakob Bundi (era Jacob Bundi; * 1565 a Sumvitg; † 1614 a Mustér) è stà il 60avel avat da la claustra da Mustér. El è enconuschent per ses pelegrinadi a Jerusalem ils onns 1591/92 ed il rapport ch'el ha scrit sur da quel.

Vita

Jakob Bundi deriva dad ina veglia famiglia da Sumvitg ch'aveva sur onns ina posiziun respectabla en la Cadi e ch'ha dà a quella plirs mistrals e girads. Ses studi ha el probablamain absolvì ad Altdorf. Ils 31 da matg 1584 ha el celebrà sia messa nuviala ed è baud daventà plevon a Rueun. Il 1585 ha el surpiglià la plaiv da ses vitg natal, Sumvitg. Da ses operar en quels dus lieus na han ins detant naginas notizias. L'onn 1591 chattain nus Bundi a la testa d'in pelegrinadi en la Terra Sontga, il qual el ha silsuenter descrit.

Il pelegrinadi a Jerusalem

. . .

Sco avat a Mustér

. . .

Scrittiras

Il Viadi

. . .

Cronica claustrala

Ultra da quai ha Jakob Bundi scrit ina cronica da la claustra da Mustér. Pli precisamain sa tracti d'ina survista dals avats nuncronologica ed incumpletta cumenzond cun s. Sigisbert. Il 1887 ha Chasper Decurtins edì e publitgà quest'ovra sco cudesch, munì cun in'introducziun ed «annexas».

Litteratura

• Urban Affentranger: Bundi, Jakob en il Lexicon istoric retic
• Florin Berther (ed.): Il viadi a Jerusalem. (Nies Tschespet) Stamparia d'il Basler Volksblatt, 1891 (l'Introducziun cun la biografia da Jakob Bundi è era cuntegnida en la Crestomazia Retorumantscha da Chasper Decurtins)
• Cuorta Memoria della Successiun u diember dils Avats, sco era dellas causas, las pli remarcablas, ch'en succedidas da tems cu tems cun la Claustra de Muster, ne faitg midadas enten nossa tiara. Edida 1881 da Chasper Decurtins en l'Archivio glottologico italiano VII. pp. 197–254 (Bundi: pp. 233–235)