Utilisader:Andreas/Plazzals/Pyongyang Pangsong
P'yŏngyang Pangsong (rumantsch Radio Pjöngjang, englais era Pyongyang Broadcasting Station, abrevià PBS) è in emettur da radio nordcorean cun sedia a Pjöngjang.
Program[modifitgar | modifitgar il code]
P'yŏngyang Pangsong emetta in program en lingua coreana per Coreans che vivan ordaifer ils cunfins da la Corea dal Nord. L'emissiun ha lieu sin frequenzas d'undas medias ed undas curtas. Il territori en mira da las emissiuns è oravant tut il nordost da la China, nua ch'i ina minoritad coreana relativamain ferma che viva surtut en vischinanza dal cunfin. Dasper l'Europa emett'ins er vers l'Orient Extrem da la Russia, nua ch'i dat medemamain ina minoritad coreana sco era blers lavurers esters nordcoreans che lavuran en la selvicultura. Fin il 2002 han ins er producì emissiuns en linguas estras. Quest servetsch è dentant vegnì zavrà sco Voice of Korea ed emetta sin sias frequenzas er emissiuns da P'yŏngyang Pangsong e dal radio per l'interiur.
Visitaders han cunfermà che P'yŏngyang Pangsong vegn era diffundì sin frequenzas UUC a l'intern dal pajais, vesair chapitel Recepziun.
Sco tut ils emetturs da radio e televisiun suttastat P'yŏngyang Pangsong al Comité naziunal da radio e televisiun da la RDPC.
Identificaziun[modifitgar | modifitgar il code]
Las emissiuns cumenzan cun l'identificaziun: duas giadas il signal d'interval, la ID «P'yŏngyang Pangsong imnida» (rum. Qui è Radio Pjöngjang) dad ina vusch masculina, duas giadas il signal d'intervall, la ID dad in vusch feminina ed anc ina giada il signal d'interval. Lu suonda il signal da temp, l'imni naziunal Aegukka, in salid patriotic e la Chanzun da General Kim Il-sung.[1]
Recepziun[modifitgar | modifitgar il code]
Undas ultracurtas[modifitgar | modifitgar il code]
Davart il radio sin undas ultracurtas (UUC, tud. UKW) en la Corea dal Nord san ins fitg pauc. Per l'ina perquai che talas emissiuns han ina purtada fitg limitada ed èn stgars retschaiviblas ordaifer il pajais e per l'autra perquai ch'i n'è betg lubì da purtar radios cun sai. Il 2011 ha in visitader dentant gì la pussaivladat da far in uschenumnà bandscan a Pjöngjang ed ha cumpartì sias scuvertas en l'Internet. El ha chattà P'yŏngyang Pangsong sin pliras frquenzas che han tut transmess il medem program. Damai ch'el ha fatg ses scan en il 32 plaun dal Yanggakdo International Hotel èsi bain pussaivel che na tut questas frequenzas èn destinadas per la citad da Pjöngjang ma era per citads e vischnancas vischinas.[1]
La pagina d'internet FMSCAN.org, che rimna datas dad indrizs-emetturs, ha pudì allocar trais da las frequenzas ad emetturs en la vischinanza da Pjöngjang ch'èn retschaivibels en la chapitala.[2]
| Freq. | Pol. | Posiziun | ERP max. |
|---|---|---|---|
| 89.2 | |||
| 91.1 | h | Kangson | 0.19 |
| 92.9 | |||
| 93.3 | |||
| 94.4 | |||
| 96.7 | |||
| 97.3 | |||
| 97.7 | |||
| 98.1 | |||
| 99.6 | |||
| 101.8 | |||
| 104.5 | h | Pyongsong | 2 |
| 106.5 | h | Sangwon | 2 |
Undas curtas[modifitgar | modifitgar il code]
Emissiuns sin undas curtas a partir dals 27 d'october 2008
| Temp (MEZ) | Frequenza (kHz) | Territori en mira |
|---|---|---|
| 01.00 - 01.50 | 7.140, 9.345, 9.730 | China dal nordost |
| 08.00 - 08.50 | 7.140, 9.345 | China dal nordost |
| 10.00 - 10.50 | 9.975, 11.735 | Orient Extrem da la Russia |
| 10.00 - 10.50 | 13.760, 15.245 | Europa |
| 11.00 - 11.50 | 7.140, 9.345 | China dal nordost |
| 13.00 - 13.50 | 7.140, 9.345 | China dal nordost |
| 14.00 - 14.50 | 6.285, 9.325 | Europa |
Notas[modifitgar | modifitgar il code]
- ↑ 1,0 1,1 Tuning the FM dial in Pyongyang tar North Korea Tech (cun audio)
- ↑ Frequenzas UUC sin FMSCAN.org, vesair era la charta accumpagnanta