Utilisader:D.Camenisch/Cudeschs/Baviera – Minca/Introducziun

Ord Wikipedia
Jump to navigation Jump to search

La Baviera è situada en il sidost da la Germania; i sa tracta dal pli grond stadi federativ dal pajais e dal segund ferm populà. La cuntrada è segnada da collinas fritgaivlas en la part settentriunala e da las Alps en la part meridiunala. La chapitala Minca ed ulteriuras citads grondas furman impurtants centers economics e culturals. Sco ducadi e pli tard sco reginavel è il domini politic stà durant 700 onns en ils mauns da la dinastia da Wittelsbach. E l'onn 1918 han ins proclamà il ‹stadi liber› – ina denominaziun che la Baviera porta anc oz cun luschezza.

Questa publicaziun cumpiglia l'artitgel da survista ‹Baviera›, purtretescha la chapitala Minca e vegn cumplettada a la fin d'intginas chartas geograficas. L'artitgel principal porscha infurmaziuns detagliadas davart ils suandants temas:

  • Etimologia e scripziun
  • Geografia
  • Istorgia
  • Populaziun
  • Politica
  • Simbols e suveranitad
  • Sutdivisiun administrativa
  • Economia e traffic
  • Cultura
  • Universitads e scolas autas
  • Sport

La versiun preschenta dal cudesch è vegnida preparada per la stampa il fanadur 2020. Ulteriurs cudeschs da Vichipedia pronts per telechargiar sco e-book u per empustar sco cudesch stampà èn da chattar sut: https://rm.wikipedia.org/wiki/Wikipedia:Cudeschs.