Utilisader:D.Camenisch/Cudeschs/Europa Centrala I/Introducziun

Ord Wikipedia
Jump to navigation Jump to search

Il vest da l'Europa Centrala cumpiglia ils stadis Germania, Svizra, Principadi da Liechtenstein ed Austria. Ina gronda part da quest territori è da lingua tudestga. In auter tratg cuminaivel è il fatg che tuts quatter pajais han part da la chadaina da las Alps, la quala sparta la part meridiunala dal continent da la part settentriunala.

La part principala da la publicaziun cumpiglia ils purtrets dals quatter stadis surmenziunads, mintgamai cun tractar a fund la geografia, populaziun, istorgia, politica, economia e cultura dal pajais. Il chapitel final tschenta il focus sin las Alps sco caracteristica topografica ch'ha segnà l'istorgia, cultura e politica da la regiun. Per finir suondan intginas chartas geograficas dals stadis cumpigliads.

La versiun preschenta dal cudesch è vegnida preparada per la stampa l'avrigl 2020. Ulteriurs cudeschs da Vichipedia pronts per telechargiar sco e-book u per empustar sco cudesch stampà èn da chattar sut: https://rm.wikipedia.org/wiki/Wikipedia:Cudeschs.