Utilisader:D.Camenisch/Cudeschs/Europa Centrala II/Introducziun
La Guerra fraida aveva separà l'Europa en dus blocs che dividevan en spezial la part centrala dal continent. Dapi ils onns 1990 è la situaziun sa midada ed ils pajais da l'Europa Centrala daventan puspè conscients da lur ragischs communablas. Talas sa laschan fastizar areguard la cultura e l'istorgia, ma er en connex cun las relaziuns geograficas e climaticas ed ils spazis natirals.
En il center da la publicaziun stattan ils purtrets dals singuls stadis situads en la part orientala da l'Europa Centrala, numnadamain Tschechia e Slovachia, Pologna ed ils trais stadis baltics Lituania, Lettonia ed Estonia. En in focus final vegn mussà co che la noziun ‹Europa Centrala› è sa transfurmada ils ultims onns da la lingia da separaziun ad in nov punct d'orientaziun. E per finir suondan intginas chartas geograficas dals stadis cumpigliads.
La versiun preschenta dal cudesch è vegnida preparada per la stampa l'avrigl 2020. Ulteriurs cudeschs da Vichipedia pronts per telechargiar sco e-book u per empustar sco cudesch stampà èn da chattar sut: https://rm.wikipedia.org/wiki/Wikipedia:Cudeschs.