Utilisader:D.Camenisch/Cudeschs/Manifest da la Partida communistica/Introducziun

Il ‹Manifest da la Partida communistica› han Karl Marx e Friedrich Engels scrit enturn la midada da l'onn 1847/48, e quai per incumbensa da la Lia dals communists. Quest program, en il qual ils auturs han gia sviluppà grondas parts da la concepziun dal mund che dueva pli tard vegnir numnada ‹marxissem›, cumenza cun ils pleds daventads proverbials: «In spiert va enturn en l'Europa – il spiert dal communissem» e finescha cun l'appel: «Proletaris da tut ils pajais, as unì!»

Quest cudesch porscha l'emprim la translaziun integrala dal Manifest. Alura suonda il commentari cun infurmaziuns davart il program sez sco er davart ses dus auturs Marx ed Engels. L'ultima part, las materialias, preschenta a fund ils svilups generals dal moviment socialistic en ses context socio-economic e politic (‹Dumonda sociala›, ‹Socialissem›, ‹Communissem›, ‹Marxissem›).

La versiun preschenta dal cudesch è vegnida preparada per la stampa l'october 2019. Ulteriurs cudeschs da Vichipedia pronts per telechargiar sco e-book u per empustar sco cudesch stampà èn da chattar sut: https://rm.wikipedia.org/wiki/Wikipedia:Cudeschs.