Utilisader:D.Camenisch/Cudeschs/Roma – Vatican/Introducziun
Roma, la ‹citad eterna›, ha enconuschì in'istorgia sco strusch in'autra citad, segnada dals Romans, dal papat e da l'unificaziun taliana en il 19avel tschientaner. Oz porscha la chapitala da l'Italia, sper ina vasta paletta da museums e da cultura, il tipic flair talian apprezià tant d'indigens sco er da turists.
Quasi sco diamant amez tut quests stgazis paradescha il Vatican cun il dom da S. Peder ed ils Museums dal Vatican che dattan suttetg ad ina da las pli grondas ed impurtantas collecziuns d'art e d'antiquitads dal mund. Betg da smirvegliar che la citad veglia da Roma ed il Vatican appartegnan gia dapi l'onn 1980 al Patrimoni cultural mundial da l'UNESCO.
Questa publicaziun cumpiglia ils artitgels da survista ‹Roma› e ‹Vatican› e vegn cumplettada a la fin d'intginas chartas e plans da la citad. L'artitgel principal porscha infurmaziuns detagliadas davart ils suandants temas:
- Num
- Geografia
- Istorgia
- Religiuns
- Politica
- Cultura ed attracziuns
- Economia ed infrastructura
La versiun preschenta dal cudesch è vegnida preparada per la stampa il favrer 2021. Ulteriurs cudeschs da Vichipedia pronts per telechargiar sco e-book u per empustar sco cudesch stampà èn da chattar sut: https://rm.wikipedia.org/wiki/Wikipedia:Cudeschs.