Utilisader:D.Camenisch/Cudeschs/Segunda Guerra mundiala/Introducziun
La Segunda Guerra mundiala è stada il segund conflict global da tut las pussanzas grondas dal 20avel tschientaner ed è fin uss l'eveniment il pli grond e devastant en l'istorgia da l'umanitad. Sper la politica mundiala ha la guerra manada da las Pussanzas da l'axa cunter ils Alliads er marcà fermamain ils ulteriurs svilups mundials (societad, cultura, economia e tecnologia). Quest cudesch furma la versiun stampada da l'artitgel da survista ‹Segunda Guerra mundiala› cuntegnì en la Vichipedia rumantscha. Il cuntegn è structurà sco suonda:
- Cumenzament
- Commando e finamiras da guerra
- Da l'attatga sin la Pologna fin la terrada da la Frantscha, 1939–1940
- Cuntinuaziun da la guerra cunter la Gronda Britannia – Hitler tschertga alliads, 1940/1941
- Davent da la front da l'ost fin la front dal vest, 1941–1944
- Da la front dal vest enfin la fin da la guerra, zercladur 1944 fin matg 1945
- Aspects strategics
- Aspects politics
- Consequenzas da la guerra e victimas
- Per recapitular: Il pli impurtant en furma concisa
La versiun preschenta dal cudesch è vegnida preparada per la stampa l'avust 2024. Ulteriurs cudeschs da Vichipedia pronts per telechargiar sco e-book u per empustar sco cudesch stampà èn da chattar sut: https://rm.wikipedia.org/wiki/Wikipedia:Cudeschs.