Utilisader:D.Camenisch/Cudeschs/Sports da balla/Introducziun

Als gieus da balla appartegnan tut ils sports che vegnan giugads cun ina balla u cun ina culla (pitschna u gronda, radunda u ovala, chavorgia u massiva etc.). Questa publicaziun preschenta ina schelta da sports da balla che vegnan giugads en furma da gieu da squadra. I sa tracta per ordinari da sports da gol (che vegnan giugads cun u senza bastun) u, sco en il cas dal ballarait, da gieus da rebattida.

Tractads vegnan ils gieus da balla ils pli populars, numnadamain – en questa successiun – ballape, ballabasket/streetball, ballamaun, unihockey, ballarait/beachvolley. Ils singuls artitgels cumpiglian mintgamai infurmaziuns davart l'istorgia, l'equipament, ils princips e las reglas dal gieu.

La versiun preschenta dal cudesch è vegnida preparada per la stampa l'avrigl 2020. Ulteriurs cudeschs da Vichipedia pronts per telechargiar sco e-book u per empustar sco cudesch stampà èn da chattar sut: https://rm.wikipedia.org/wiki/Wikipedia:Cudeschs.