Utilisader:D.Camenisch/Cudeschs/Ungaria – Budapest/Introducziun
L'Ungaria è in stadi continental situà a l'ur oriental da l'Europa Centrala. Il territori dal pajais sa chatta per gronda part en il Batschigl Pannonic. Ils Magyars èn immigrads en il 9avel/10avel tschientaner nà da la regiun situada en l'ost da l'Ural. L'ungarais furma perquai in'insla betg indoeuropeica tranter pajais da lingua slava, romana e germana. Il reginavel da l'Ungaria ha existì dal 9avel fin il 15avel tschientaner. En il decurs dal temp modern ha quel fatg part da l'Imperi osmanic (16avel e 17avel tschientaner), da l'Austria habsburgaisa (dal 17avel tschientaner fin l'entschatta dal 20avel tschientaner) sco er dal Patg da Varsovia sut domini da l'Uniun sovietica (segunda mesadad dal 20avel tschientaner).
Questa publicaziun cumpiglia l'artitgel da survista ‹Ungaria›, purtretescha la chapitala Budapest e vegn cumplettada a la fin d'intginas chartas geograficas. L'artitgel principal porscha infurmaziuns detagliadas davart ils suandants temas:
- Num dal stadi e dal pajais
- Geografia
- Populaziun
- Istorgia
- Politica
- Sutdivisiun administrativa
- Infrastructura
- Economia
- Sistem da scola
- Cultura
- Medias
- Sport
- Dis da festa
La versiun preschenta dal cudesch è vegnida preparada per la stampa il fanadur 2020. Ulteriurs cudeschs da Vichipedia pronts per telechargiar sco e-book u per empustar sco cudesch stampà èn da chattar sut: https://rm.wikipedia.org/wiki/Wikipedia:Cudeschs.