Utilisader:MeLis Adragun/Cudeschs/Il Pitschen Prinzi/Epilog

Quai è per mai la pli bella e la pli trista cuntrada dal mund. [Cf. il maletg da cuverta, red.]. Qua è il Pitschen Prinzi vegnì sin la Terra ed alura puspè partì. Guardai bain questa cuntrada per esser segirs che vus l'enconuschais puspè, sche vus faschais in di in viadi en Africa, en il desert. E sche vus duessas passar là, as supplitgesch jau da betg far prescha, spetgai in mumentin gist sut la staila! Sch'in uffant vegn alura tar vus, sch'el ri, sch'el ha chavels che glischan sco l'aur, sch'el na respunda betg sin vossas dumondas, alura savais vus bain tgi ch'igl è. Alura sajas gentils! Na ma laschai betg vinavant uschè trist: scrivai svelt a mai ch'el è turnà...

Adattaziun per la funcziun da cudeschs da Vichipedia Quest text è vegnì surpiglià a moda integrala da la versiun rumantscha da Vichisource, la biblioteca libra. Per consultar il document en ses context original (incl. glista dals contribuents) p.pl. visitar la suandanta pagina:    » Il Pitschen Prinzi