Utilisader:MeLis Adragun/Cudeschs/Münchhausen/Introducziun

Ils raquints dal barun da Münchhausen, cun num entir Hieronymus Carl Friedrich Freiherr von Münchhausen (1720–1797), èn daventads legendars gia durant ses temp da vita. Sin ses bain en l'electurat Braunschweig-Lüneburg sa rimnavan amis e giasts a tadlar las aventuras dal ‹barun da manzegnas› e gia l'onn 1761 èn cumparidas emprimas elavuraziuns litteraras da ses raquints.

Sa basond sin differents texts gia publitgads e cumplettond quels cun ulteriurs raquints, ha Gottfried August Bürger (1747–1794) edì l'onn 1786 la furma da las aventuras ch'è oz la pli enconuschenta: ‹Wunderbare Reisen zu Wasser und zu Lande – Feldzüge und lustige Abenteuer des Freiherrn von Münchhausen, wie er dieselben bei der Flasche im Zirkel seiner Freunde selbst zu erzählen pflegt›.

L'ediziun en rumantsch sa basa sin il text original da Bürger sco ch'el è accessibel en il Project Gutenberg. Quel è vegnì translatà a moda integrala (senza scursanidas) ed en furma uschè autentica sco pussaivel (adattaziuns linguisticas minimalas).

La versiun preschenta dal cudesch è vegnida preparada per la stampa l'avust 2019. Maletg da cuverta: Gottfried Franz (1846–1905). Ulteriurs cudeschs da Vichipedia pronts per telechargiar sco e-book u per empustar sco cudesch stampà èn da chattar sut: https://rm.wikipedia.org/wiki/Wikipedia:Cudeschs.

[[Datoteca:.jpg]]

Tar questa publicaziun exista in dossier tematic cun material accumpagnant (infurmaziuns davart l'autur, resumaziun e.a.). P.pl. endatar en la lingia d'adressa dal navigatur: bit.ly/3v5PSKD.