Utilisader:MeLis Adragun/Cudeschs/Sherlock Holmes/Introducziun

Sir Arthur Conan Doyle (* 1859 ad Edinburgh, Scozia; † 1930 a Crowborough, Sussex, Engalterra) è stà in medi e scriptur da la Gronda Britannia. Cumbain che Doyle ha er scrit numerus auters romans e raquints, è el surtut vegnì enconuschent entras las aventuras da Sherlock Holmes. Da quellas existan, sper quatter romans, 56 raquints ch'èn per gronda part cumparids en magazins (‹The Strand Magazin›, per part parallel en ‹Collier's› en ils Stadis Unids) e che Doyle ha edì silsuenter en tschintg antologias. En quest'ediziun rumantscha èn cuntegnids ils suandants raquints:

La Lia dals chaus cotschens (‹The Red-Headed League›, emprim'ediziun: ‹The Strand Magazine›, 1891; antologia: ‹The Adventures of Sherlock Holmes›, 1892)
Il bindel taclà (‹The Speckled Bande›, emprim'ediziun: ‹The Strand Magazine›, 1892; antologia: ‹The Adventures of Sherlock Holmes›, 1892)
Peder Nair (‹Black Peter›, emprim'ediziun: ‹The Strand Magazine›, 1904; antologia: ‹The Return of Sherlock Holmes›, 1905)
Il Circul cotschen (‹The Adventure of the Red Circle›, emprim'ediziun: ‹The Strand Magazine›, 1911; antologia: ‹His Last Bow›, 1917)

L'ediziun rumantscha dals quatter raquints suonda il concept ‹Easy Reader›. Quai vul dir ch'il cuntegn vegn reproducì a moda levamain scursanida e preschentà en ina lingua in pau simplifitgada, evitond tant sco pussaivel pleds pli difficils. La lectura è perquai adattada tant per in public giuvenil sco er per persunas ch'èn londervi d'emprender la lingua.

La versiun preschenta dal cudesch è vegnida preparada per la stampa il settember 2019. Maletg da cuverta: Frank Wiles (1881–1963). Ulteriurs cudeschs da Vichipedia pronts per telechargiar sco e-book u per empustar sco cudesch stampà èn da chattar sut: https://rm.wikipedia.org/wiki/Wikipedia:Cudeschs.

[[Datoteca:.jpg]]

Tar questa publicaziun exista in dossier tematic cun material accumpagnant (infurmaziuns davart l'autur, resumaziuns e.a.). P.pl. endatar en la lingia d'adressa dal navigatur: bit.ly/2Nc3ixI.