Utilisader:Mesoscaph/Cudeschs/Viadi tras la Svizra/Prefaziun

VICHIPEDIA JUNIOR è ina retscha da cudeschs tematics che sa drizza ad uffants da ca. 10 onns ensi (stgalim mesaun resp. 2. ciclus tenor il Plan d'instrucziun 21). Ils texts derivan da Wikijunior ubain dal lexicon d'uffants Klexikon. En ina lingua bain chapibla dat la retscha invista en tematicas multifaras (natira, istorgia, geografia, uman e societad e.a.) – per a chasa u en scola, per stampar u duvrar online.

*

La publicaziun ‹Viadi tras la Svizra› furma ina veritabla chava d'aur cun nundumbraivlas infurmaziuns davart la geografia, istorgia, populaziun e politica da la Svizra. En in chapitel introductiv vegn l'emprim preschentà il pli impurtant en furma curta. Alura suonda la part principala dal cudesch cun trais chapitels ch'approfundeschan las diversas tematicas – tenor il motto: Per tut tgi che vul savair dapli...

L'emprim dals trais chapitels principals tracta la topografia, populaziun e politica dal pajais. Il segund prenda las lecturas ed ils lecturs sin viadi tras tut ils chantuns da la Svizra, davent da Genevra en il vest fin en il Grischun e Tessin en il sidost. Ed il terz chapitel dat in sguard en l'istorgia – dals Helvets, sur ils Vegls Confederads fin al stadi federal modern – e preschenta impurtantas persunalitads da l'istorgia e cultura svizra.

*

La versiun preschenta dal cudesch è vegnida preparada per la stampa il november 2021. Ulteriurs cudeschs da Vichipedia pronts per telechargiar sco e-book u per empustar sco cudesch stampà èn da chattar sut: https://rm.wikipedia.org/wiki/Wikipedia:Cudeschs.