Wikipedia:Bainvegni

Ord Wikipedia
Midar tar: navigaziun, tschertga

Bainvegnì tar la Vichipedia, l'enciclopedia libra.

Tge è la Vichipedia?[modifitgar il code]

La Vichipedia è ina enciclopedia che vegn betg redigida d'ina redacziun fixa e pajada, mabain d'auturs voluntaris. Il pled Vichipedia sa cumpona dal pled wiki, il pled hawaian per spert, ed d'enciclopedia. In vichi è ina pagina d'internet nua che mintgin po midar spert e senza grondas experientschas tecnicas il cuntegn cun agid da ses agen browser.

La pagina rumantscha da Vichipedia è be ina da fitg bleras ediziuns da Vichipedia. Cun 3,429 artitgels è ella ina da las pitschnas. Las duas grondas èn l'englaisa cun varga 2'000'000 artitgels e la tudestga cun circa 770'000 artitgels. Qua datti ina glista cun tut las linguas che han ina Vichipedia.

Cuntrari ad enciclopedias convenziunalas è Vichipedia libra. Ella n'è betg be gratuita en l'internet, na, ella po er vegnir copiada da mintgin che inditgescha la funtauna. Per quai procura la Lizenza GNU per documantaziun libra, cun la quala ils auturs publitgeschan lur texts.