Wikipedia:Cudeschs/Europa

Europa dal Nord

Finlanda – Helsinki

Finlanda – Helsinki Guid turistic La Finlanda è in pajais da l’Europa dal Nord situà tranter la Svezia, la Norvegia, la Russia e la Mar da l’Ost. La caracteristica centrala da la cuntrada finlandaisa è sia ritgezza da lais. Il finlandais è ina da las paucas linguas betg indoeuropeicas che vegnan discurridas en l’Europa. Sur lung temp ha il pajais appartegnì a la Svezia (fin il 1809) e pli tard a la Russia (fin il 1917).  » Dapli infurmaziuns

Europa dal Vest

Londra

Londra Guid turistic La citad da Londra è vegnida fundada dals Romans, ha furmà dapi l’onn 1066 la chapitala dal Reginavel da l’Engalterra e dueva surpassar vers il 1800 sco ina da las emprimas insumma il dumber d’abitants d’in milliun. Sco sedia da la chasa roiala britannica e grazia a sias nundumbraivels attracziuns d’emprima qualitad furma Londra in veritabel magnet turistic.  » Dapli infurmaziuns

Europa dal Sid

Catalugna – Barcelona

Catalugna – Barcelona Guid turistic La Catalugna cun sia chapitala Barcelona furma en il nordost da la Spagna ina regiun da vacanzas e da cultura ordvart tschertgada. Sper la natira da la retroterra e las splagias da la Costa Brava attiran diversas attracziuns architectonicas ils turists. La Catalugna enconuscha però er in ferm moviment d’independenza che maina adina puspè a tensiuns politicas.  » Dapli infurmaziuns

Roma – Vatican

Roma – Vatican Guid turistic Roma, la ‹citad eterna›, ha enconuschì in’istorgia sco strusch in’autra citad, segnada dals Romans, dal papat e da l’unificaziun taliana en il 19avel tschientaner. Oz porscha la chapitala da l’Italia, sper ina vasta paletta da museums e da cultura, il tipic flair talian. E quasi sco diamant entamez paradeschan il dom da S. Peder ed ils Museums dal Vatican.  » Dapli infurmaziuns

Europa Centrala

Svizra

Svizra Guid turistic La Svizra è situada en il sidvest da l’Europa Centrala. La cuntrada dal pajais è caracterisada da la chadaina da las Alps. En il sid da quellas giascha il chantun Tessin, en il nord la Svizra Bassa e la chadaina dal Giura. Las quatter linguas naziunalas, la diversitad topografica e culturala ed il sistem politic federalistic fan da la Svizra la naziun fundada sin la voluntad politica par excellence.  » Dapli infurmaziuns

Germania

Germania Guid turistic La Germania, situada en la part settentriunala da l’Europa Centrala, è segnada d’ina ritga istorgia che tanscha dals Germans fin la reuniun dal pajais a la fin dal 20avel tschientaner. Sper l’istorgia preschenta quest guid a moda commensurada ils tratgs principals da la geografia, politica, economia e cultura dal pajais. A la fin cumpiglia la publicaziun intginas chartas geograficas.  » Dapli infurmaziuns

Baviera – Minca

Baviera – Minca Guid turistic La Baviera è situada en il sidost da la Germania; i sa tracta dal pli grond stadi federativ dal pajais e da quel populà il segund ferm. La cuntrada è segnada da collinas fritgaivlas en la part settentriunala e da las Alps en la part meridiunala. La chapitala Minca ed ulteriuras citads grondas furman impurtants centers economics e culturals.  » Dapli infurmaziuns

Ungaria – Budapest

Ungaria – Budapest Guid turistic L’Ungaria è in stadi continental situà a l’ur oriental da l’Europa Centrala. Il territori dal pajais sa chatta per gronda part en la Batschida Pannonica. Ils Magyars èn immigrads en il 9avel/10avel tschientaner nà da la regiun situada en l’ost da l’Ural. L’ungarais furma perquai in’insla betg indoeuropeica tranter pajais da lingua slava, romana e germana.  » Dapli infurmaziuns

Europa dal Sidost

Tirchia

Tirchia Guid turistic La Tirchia furma in dals paucs stadis ch’èn situads tant en l’Europa sco er en l’Asia. Ed Istanbul, la metropola al Bosporus, vala schizunt sco suletta citad dal mund che s’extenda sur dus continents. Da questa posiziun ambiga tranter Orient ed Occident è er segnada l’istorgia dal pajais. Sper la geografia e l’istorgia tracta questa publicaziun er aspects politics, economics e culturals.  » Dapli infurmaziuns