Wikipedia:Cudeschs/Giuvenils

Ord Wikipedia
Viadi enturn il mund en 80 dis
 

Viadi enturn il mund en 80 dis
Jules Verne

Il scriptur franzos Jules Verne (1828–1905) è vegnì enconuschent tras divers romans fantastics e vala sco in dals fundaturs dal gener science fiction. Betg exnum en il mund da la fantasia tutga percunter si’ovra la pli famusa, il ‹Viadi enturn il mund en 80 dis›, cumparida l’onn 1873. Quella ha svelt cuntanschì renum mundial ed è vegnida translatada en numerusas linguas. (Dossier tematic)

Giuventetgna senza Dieu
 

Giuventetgna senza Dieu
Ödön von Horváth

Il roman ‹Giuventetgna senza Dieu› è cumparì l’onn 1937 ad Amsterdam. L’autur ungarais Ödön von Horváth (1901–1938) tematisescha en quel – a moda surprendentamain averta – il cumenzament da las repressiuns e da la militarisaziun da la vita da mintgadi a l’entschatta dal temp dal naziunalsocialissem. A las scolas superiuras tutga l’ovra dapi blers onns tar il canon litterar. (Dossier tematic)

Sherlock Holmes
 

Sherlock Holmes
Arthur Conan Doyle

Il medi e scriptur Arthur Conan Doyle (1859–1930) è surtut vegnì enconuschent per sias aventuras da Sherlock Holmes. Da quellas existan quatter romans e 56 raquints, cumparids oriundamain per gronda part en il ‹Strand Magazin›. Quest’ediziun rumantscha cuntegna ils suandants quatter raquints: ‹La Lia dals chaus cotschens›, ‹Il bindel taclà›, ‹Peder Nair› ed ‹Il Circul cotschen›. (Dossier tematic)

Umor e divertiment[modifitgar il code]

Las aventuras dal barun da Münchhausen
 

Las aventuras dal barun da Münchhausen
Gottfried August Bürger

Ils raquints da Münchhausen èn daventads legendars gia durant il temp da vita dal ‹barun da manzegnas›. L’onn 1761 è cumparida l’emprima elavuraziun litterara d’intgins da quels; sa basond sin differents texts gia publitgads e cumplettond quels cun ulteriurs raquints, ha Gottfried August Bürger alura edì l’onn 1786 la furma da las aventuras ch’è oz la pli enconuschenta. (Dossier tematic)

Paraulas d’art[modifitgar il code]

Il prinzi ventiraivel ed autras paraulas
 

Il prinzi ventiraivel ed autras paraulas
Oscar Wilde

Las paraulas publitgadas en quest cudesch èn cumparidas oriundamain il 1888 en versiun englaisa (‹The Happy Prince and Other Tales›). I sa tracta da paraulas d’art che sa drizzan tuttavia er ad in public creschì. L’autur, il scriptur irlandais Oscar Wilde, ha vivì surtut a Londra. El vala sco in dals pli impurtants (ma er in dals pli contestads) litterats da la Gronda Britannia victoriana. (Dossier tematic)