Cuntrarefurma

Cuntrarefurma u cuntrarefurmaziun vegn numnà in moviment da la Baselgia Catolica, ch'è sa renovada suenter l'offensiva da la refurmaziun. Il cardinal Carlo Borromeo ha organisà l'entir moviment, er perquai che l'Italia aveva tema che la refurmaziun pudess vegnir tras il Grischun en lur terra. Uschia ha la Missione Retica empruvà da recatolisar il Grischun cun l'agid da l'Austria e dals chaputschins. Igl ha dà trais invasiuns dals catolics, ma la fin finala han els gì nagin success. Ord las dispittas da las duas parts da la baselgia hai lura dà guerras, sco per exempel la Guerra da trent'onns (1618-1648) ni ils scumbigls grischuns.

Colliaziuns

Commons: Cuntrarefurma – Collecziun da maletgs, videos e datotecas d'audio