Autostrada 13 (Svizra)

A13
Autostrada A13
Informaziun
Lunghezza		212 km
Sortidas
A1 (1) St. Margrethen (Verzweigung zur S18 - geplant) (2) Au SG (3) Widnau Rastplatz Kriessern (4) Kriessern Montlingen (300 m) (5) Oberriet-Rüthi (6) Sennwald (7) Haag (8) Buchs SG Rheintal (9) Sevelen (10) Trübbach (11) Verzweigung Sarganserland A3 (12) Bad Ragaz Heidiland (13) Maiavilla (14) Landquart (N28) Rastplatz Zizers (15) Zizers (16) Cuira Nord (17) Cuira Süd (18) Reichenau Fin da Autostrada Autovia A13 (19) Panaduz Plazzas (252 m) Hinterrheinbrücke Panaduz Isla-Bella (2449 m) Autostrasse A13 Autostrasse A13 (richtungsgetrennt) Isla-Bella (2435 m) – "zweite Etappe" (20) Giuvaulta (21) Tusaun Nord (22) Tusaun Süd Autovia A13 Autovia A13 Crapteig (2171 m) Rongellen III (135 m) (23) Viamala Viamala (742 m) Bargias (416 m) Wegerhaus (228 m) (24) Zillis (25) Andeer Bärenburg (998 m) (26) Rofla / Avers Galerie Rofla Roflabrücke Rastplatz Rofla Rofla (995 m) Traversabrücke Traversa (375 m) (27) Sur en Valragn (28) Splügen (29) Medels (30) Nufenen Casanwald (1230 m) (31) Hinterrhein (32) San-Bernardino-Pass Tunnel stradal dal San Bernardin (6600 m) (33) San Bernardino Rastplatz San Bernardino Gei (418 m) Salvaneibrücke Galleria Cianca Presela Landrüfe (213 m) Galleria Seda Brusei (560 m) Galleria Cozz Rastplatz Mesocco (34) Pian San Giacomo (35) Mesocco Nord Cresta (213 m) Benabbia, Mesocco (150 m) Gorda, Mesocco (130 m) (36) Mesocco Süd (37) Lostallo San Fedele, Roveredo (2381 m) – im Bau (2012) (38) Roveredo Campagnola (39) Bellinzona Nord (39)    Separaziun Bellinzona Nord A2/A13 (40)    Separaziun Bellinzona Sud A2/A13 San Antonino (41) Cadenazzo (42) Magadino (43) Tenero (43) Locarno-Est Galleria Mappo-Moretinna (5500 m) (44) Locarno-Ovest (44) Ascona-Nord Galleria di Ascona (1130 m) (44) Ascona-Sud 13 Fin da Autostrada

La A13 (denominaziun anteriura N13) è ina via naziunala svizra a dus e per part quatter vials. Ella è davos l'A2 la segund impurtanta colliaziun nord-sid da la Svizra. Era sch'ella è situada entiramain sin territori svizzer da grond'impurtanza per la colliaziun al Principadi da Liechtenstein.

Trassé

L'A13 entschaiva a St. Margrethen en il chantun Son Gagl nua ch'ella cuntinuescha l'A1. Suenter maina ella tras l'entira Val dal Rain songagliaisa, lung il cunfin naziunal cun l'Austria ed il Liechtenstein a Sargans nua che l'A3 s'unescha cun l'A13.

L'autostrada maina suenter vinavant en la chapitala grischuna Cuera e via La Punt (Reichenau) (nua ch'ins po sortir per il stradun Mustér-Ursera/Andermatt-Brig) a Tusaun (var 660 m sur mar).

Davent da la sortida Reichenau va l'A13 sco autovia betg separada (toc separà curt en la Tumleastga) cun pendenzas pli grondas ensi tar il tunnel dal San Bernardin cun 6,6 km da lunghezza sur ca. 1'650 m d'autezza.

Suenter il tunnel va la via, marcada da bleras galarias paralavinas e stortas setgas, aval a Mesocco en la Val Mesauc sin 730 m s.m. Il toc via tranter Tusaun e Mesocco ha ina lunghezza da ca. 58 km e surmunta ina differenza d'autezza da pli che 1'000 m.

Curt suenter Mesocco daventa l'autovia danovamain in'autostrada. L'A13 maina vinavant aval e s'unescha curt davant la chapitala tessinaisa Bellinzona sin in'autezza da 240 m s.m. cun l'A2.

Tranter Ascona ed ina rundella en il sid da Gaggiole en il Tessin è l'A13 renovada sco via directa (Schnellstrasse). Ils signals d'autostrada stritgads signaliseschan ch'ins n'ha betg basegn da la vignetta d'autostrada svizra sin quest toc. La via va enturn la citad da Locarno tras il tunnel Mappo-Morettina. A l'intern dal qual datti be in vial en mintga direcziun.

Accidents grevs

Il toc en la Val dal Rain da Sargans vers nord ch'oriundamain n'era betg separà valava ditg sco «toc mortal»