Dea Murk

Ord Wikipedia
Jump to navigation Jump to search

Dea Murk (* 29 da matg 1932; † 21 da fanadur 2003) è stà in pictur abstract svizzer or dal Grischun.

Vita[modifitgar | modifitgar il code]

Dea Murk è naschì il 1932 sco burgais da Müstair a Surava en Val d'Alvra. Suenter ch'el aveva frequentà ina scola da commerci e linguas a Neuschatel, ha el studegià il 1950 e 1951 a la scola d'art applitgà da Son Gagl. Ils onns 1953 e 1954 ha el passentà a Roma e Paris, nua ch'el ha studegià istorgia d'art.

A partir dal 1960 ha Murk lavurà sco graficher da reclama a Cuira e Vaduz. En ils onns suandants è el sa deditgà pli e pli a la pictura e dapi il 1970 è el stà artist da professiun libra.

Murk ha exponì tranter il 1973 ed il 2002 en pliras gallarias svizras, tranter quels il Kunstsalon Wolfsberg a Turitg ed il Sigristenkeller a Bülach.

Ils 21 da fanadur 2003 è el mort nunspetgadamain en sia chamona da chatscha ‹Crusch› sur Curaglia. Murk viveva cun sia dunna Filomena Murk a Cuira ed era bap da quatter uffants creschids.[1]

Dea Murk era in nev dal scriptur Tista Murk.

Exposiziuns[modifitgar | modifitgar il code]

Exposiziuns individualas[modifitgar | modifitgar il code]

Exposiziuns da gruppa[modifitgar | modifitgar il code]

Local d'exposiziun permanent[modifitgar | modifitgar il code]

Il 2008 ha la famiglia da Dea Murk decidì dad avrir in local d'exposiziun permanent en la chasa d'abitar da l'artist a Cuira.

Colliaziuns[modifitgar | modifitgar il code]

Annotaziuns[modifitgar | modifitgar il code]

  1. Der Bündner Kunstmaler Dea Murk ist tot (tudestg) En: news.ch. 22 da fanadur 2003. Consultà ils 19 da matg 2018.