Gerola Alta

Ord Wikipedia
Jump to navigation Jump to search
Write.svg Questa pagina è scritta en puter.

Gerola Alta (lumbard: Geröla) es üna vschinauncha da 249 abitants, chi as chatta a 1050 meters d'otezza, illas Alps Orobie. Ell'es situeda in Lombardia, Provinza da Sunder.

Il lö[modifitgar | modifitgar il code]

Gerola Alta as chatta illa Val dal Bitto da Gerola, üna val laterela da la Vuclina, chi ho cumanzamaint tar Murbegn e vo in direcziun süd.

La vschinauncha es bagneda da l'ovel Bitto, chi do nom al chaschöl prodüt in quista val, fat cun lat de vacha e da chevra masdos insembel. Illa part veglia da la vschinauncha es que la baselgia da San Bartolomeo.

Fracziuns[modifitgar | modifitgar il code]

I'l territori da la vschinauncha da Gerola Alta as chattans bgeras fracziunz, suvenz aclas furmedas da pochs baitas abitedas pelpü vi per la sted: Valle, Nasoncio, Case di Sopra, Ravizze, Foppa, Castello, Laveggiolo, Fenile e Pescegallo.

La fracziun la pü renumneda es sainza fal Pescegallo, lö frequento vi per l'inviern dals paschiunos da ski e particulermaing da l'assa da naiv.

Festas[modifitgar | modifitgar il code]

Gerola Alta es renumneda eir pella "Sagra del Bitto", chi es üna festa, chi vegn fatta la terza dumengia da settember. Ils producters dal chaschöl Bitto (furmagiàt in lombard) mussan lur prodots, dels quêls a vain fat adöver per fer mangiativas caracteristicas del lö scu ils pizzoccheri ed ils sciatt.