Gion Casper Collenberg
|
Quest artitgel u questa secziun ha basegn d'ina repassada. Sche ti t'interesseschas per la tematica, pos ti al repassar e meglierar. Motiv: Vichifitgar --Andreas 19:31, 12 schaner 2010 (CET) |
Sper la raquintaziun tradiziunala dal viadi da pelegrin a Jerusalem u a Santiago de Compostela cumparan en la litteratura rumantscha plaunsieu rapports da viadi cun autras destinaziuns ed auters interess.
Uschia viagescha Gion Casper Collenberg (* 18 da december 1733 a Lumbrein; † 30 da december 1792 a Beaujeu) cun ses patrun franzos en Mauritius e rapporta en il Viadi che jau, Gion Casper Collenberg, vai faig il on 1765 en l’Isla de Fronscha (1765/66) tranter auter davart furmas da la sclavaria coloniala.
In pitschen extract dal Viadi è cumparì en il tom I (1896) da la Crestomazia retorumantscha da Caspar Decurtins. Plinavant è cumparida dal 1999 ina translaziun franzosa dal text entir, fatga da Kurt Jeitziner e publitgada en il cudesch De la bure à l’argent da l’editur Jean Hubert-Brierre.
Ultra da quai cuntegna il cudesch da Hubert-Brierre ina biografia da Gion Casper Collenberg sco er biografias da trais da ses frars, numnadamain da Padrut Antoni (1729–1803), Valentin (1739–1820) e Roc Antoni (1743–1830), ch’èn er els emigrads da Lumbrein via Lyon a Paris.
Litteratura primara
[modifitgar | modifitgar il code]- Decurtins, Caspar (ed.). 1896. Rätoromanische Chrestomathie. I. Band: Surselvisch, Subselvisch. Das XVII., XVII. und XIX. Jahrhundert. Erlangen: Fr. Junge, 138–140 (RF) = 346–348 (OCT).
- Hubert-Brierre, Jean (ed.). 1999. De la bure à l’argent: histoire des Grisons, gardes suisses et suisses de porte. Suivi du Récit du voyage d’un Grison a l’Isle de France en 1765 traduit du romanche par Kurt Jeitziner. Paris: Mémoires d’hommes.