Lumbrein

Questa pagina è scritta en sursilvan.

Lumbrein
Lumbrein
Administraziun
Chantun	Grischun
District	Surselva
Lingua(s)	rumantsch (sursilvan)
Numer postal	7148
Geografia
Autezza	1'405 m s. m.
Surfatscha	37.86 km²
Coordinatas	46° 40′ 59.97″ N 09° 8′ 0.01″ O
Demografia
Populaziun	409 (31. Dezember 2006)
Pagina-web uffiziala

Lumbrein ei in vitg en la vischnaunca politica svizra Lumnezia en la regiun Surselva dil cantun Grischun. Entochen ils 31 da december 2012 era Lumbrein er'ina vischnaunca politica independenta. Il vitg ei ca 15 km naven dil marcau da Glion. Ils treis uclauns dalla vart dil sid dil Glogn senumnan Surin, Pruastg ed Silgin.

Igl emprem da schaner 2013 ha Lumbrein fusiunau cun ils vitgs Cumbel, Degen, Murissen, Vella, Vignogn, Suraua e Vrin alla vischnaunca Lumnezia. In fetg renomau num da famiglia a Lumbrein ei Capaul.

Uoppen

El demuossa la spartiziun dil vitg entras il Glogn. Igl uoppen ei vegnius surprius dils Lumerins.

Lungatg

A Lumbrein vegn ei per la pli gronda part tschintschau romontsch.

Historia

Il num Lumbrein respectiv Lamarine ei gia cumparius l'emprema gada igl onn 830 en igl Urbari imperial. Il pli vegl territori populau, ca 1500 avon Christus, da Lumbrein ei il crest da Crestaulta sper il uclaun Surin.

Igl onn 1961 eis ei vegniu anflau el sidvest da Lumbrein a Sietschn in plaz cun representaziuns da carstgauns. Entras cumparegliaziuns cun plazs ord il nord dall'Italia vegn quei liug dataus da perscrutaders talians en il neoliticum tardiv.

Cultura e raritads

• Il plaz da Crestaulta
• La baselgia da S. Martin
• La punt da lenn sur il Glogn che colligia Lumbrein cun Silgin
• Il cristagl

Colligiaziuns

• Adolf Collenberg: Lumbrein en il Lexicon istoric retic
• Lumbrein en il Historisches Lexikon der Schweiz
• Purtret dil vischinadi da Lumbrein alla pagina-web dalla vischnaunca