Giovanni Giacometti

Ord Wikipedia
Jump to navigation Jump to search
Autopurtret, 1909/10, Kunstmuseum Winterthur

Giovanni Giacometti (* 7 da mars 1868 a Stampa; † 25 da fanadur 1933 a Glion, vischnanca da Montreux VD) è stà in pictur e graficher svizzer. El ha introducì ensemen cun ses ami, il pictur Cuno Amiet, il stil dal postimpressiunissem en l'art svizra.

Vita[modifitgar | modifitgar il code]

Atelier Giacometti a Stampa, inscripziun sin la terza trav da sutensi

Giovanni Giacometti era il quart dad otg uffants dad Alberto e Caterina Ottilia Giacometti-Santi. El ha studegià dal 1886 fin il 1887 a Minca e dal 1888 fin il 1891 ensemen cun Cuno Amiet ed Andrea Robbi tar William Adolphe Bouguereau e Joseph Nicolas Robert-Fleury a l'Académie Julian a Paris. Influenzà è'l vegnì dals Fauves, da Cuno Amiet, Paul Cézanne, Vincent van Gogh ed a l'entschatta da sia carriera artistica oravant tut da Giovanni Segantini, che l'ha sustegnì a partir dal 1894 a Malögia. Enturn l'onn 1900 è'l sa statgà da la tempra divisiunistica da Segantini ed ha entschet dad adoptar il stil postimpressiunistic da la pictura franzosa.[1]

Giacometti ha maridà il 1900 Annetta, naschida Stampa (1871–1964); lur uffants eran Alberto, Diego, Ottilia (1904–1937) e Bruno Giacometti. Enfin l'onn 1904 viveva la famiglia a Borgonovo en Bregaglia; lura ha'la midà a Stampa en ina chasa cun ina stalla che Giovanni Giacometti duvrava sco atelier. La famiglia ha passentà la stad regularmain a Cadlägh (Capolago) sper Malögia. Il 1904 è Giacometti vegnì envidà da far in'exposiziun ensemen cun ils artists da la gruppa artistica Brücke a Dresda en la Germania. Ils onns 1906 fin 1911 ha'l picturà en stil expressiv.[1] Il 1912 ha'l gì in'exposiziun en il Kunsthaus da Turitg.[2]

Ovra[modifitgar | modifitgar il code]

L'ovra da Giacometti consista da pictura da paesagis impressiunistica e da purtrets da sia famiglia e da persunas vischinas sco la pictura Elvezia Michel-Baldini. Per part èn ses maletgs era picturads en il stil dal simbolissem. Sias lavurs èn represchentadas en la gronda part dals museums svizzers.

Litteratura[modifitgar | modifitgar il code]

  • Dieter Schwarz, Paul Müller, Viola Radlach: Giovanni Giacometti 1868–1933. 3 Bände. Zürich 1996/1997 (Œuvrekataloge Schweizer Künstler, Band 16/I/II-1/2)
  • Christine E. Stauffer: Giovanni Giacometti. Das graphische Werk. Verlag Kornfeld, Bern 1997
  • Giovanni Giacometti (1868–1933). Arbeiten auf Papier. Ausstellungskatalog, mit Texten von Ulrich Gerster, Christoph Vögele und Beat Stutzer. Kunstmuseum Solothurn / Bündner Kunstmuseum, Chur. Kehrer Verlag, Heidelberg 2006.

Colliaziuns[modifitgar | modifitgar il code]

Commons
Commons: Giovanni Giacometti – Collecziun da maletgs, videos e datotecas d'audio

Referenzas[modifitgar | modifitgar il code]

  1. 1.0 1.1 Hans Goltz
  2. Sikart