Leontina Lergier-Caviezel

Questa pagina è scritta en sursilvan.

Leontina Lergier-Caviezel (* 1956 a Vrin) ei ina scriptura svizra che scriva per romontsch sursilvan.

Veta ed ovra

Leontina Lergier-Caviezel ei naschida a Vrin 1956. La scola primara e secundara ha ella frequentau en Lumnezia. In onn eis ella stada a Genevra. Cura ch'ella ei turnada en Surselva ha ella absolviu in emprendissadi mercantil. Pli tard ha ella maridau ed ei ida a New York per treis onns. Suenter il retuorn ha ella viviu a Wengen, Sedrun e naven digl onn 1987 a Puntraschigna. Dapi la fin digl onn 2003 viva ella ella vischinonza da Berna. Gia dapi ch'ella va a scola legia e scriva Leontina bugen. Duront ch'ella viandescha sefuorman ideas e construcziuns che setschentan mintgaton el computer. La dunna da 51 onns ha dus fegls.

Leontina Lergier-Caviezel ha publitgau raquents e poesias en revistas, calenders e retschas litteraras romontschas. Per la gasetta dil di La Quotidiana scriva ella regularmein columnas. Si'emprem roman Romana ei comparius 2006 ella retscha Nies Tschespet. 2011 ei suandau Nus duas tier la Chasa editura rumantscha.

Publicaziuns

Raquents e/ni poesias en

Calender Romontsch 1977, 1978, 1980, 1981, 1989, 1997, 2000
Ischi semestril, annada 60, Nr. 5, 1975
Ischi 1997
Litteratura, annada 4, 1981
Dunnas en il Grischun
Dunnas, Nies Tschespet 64, 1993
Contribuziuns sut la rubrica Per la dumengia ella Gasetta Romontscha duront 1994 e 1995
Martin va a scola, Carnet OSL 1629 (1982, secunda ediziun 1986)
Columnas per La Quotidiana

Romans

Romana, Nies Tschespet 71, 2006
Nus duas, 2011