Lucius Candrian

Ord Wikipedia
Jump to navigation Jump to search

Lucius Candrian (* 9 da mars 1828 a Duin; † 29 da zercladur 1888 a Flem) fuva in plevon reformà da lieunga rumantscha.

Vita[modifitgar | modifitgar il code]

Naschì è Lucius Candrian u Candrion a Duin en siu vitg patern. El ha studegià teologia ed è vegnì recepì 1852 en la sinoda evangelic-retica. Sia emprima plaiv era da 1853 fin 1863 la plaiv da Duin-Pitasch-Riein. 1863-1881 è el stà a Ciraun-Donat en Val Schons. Durant quai temp ha el publitgà la translaziun da la biografia da Filip Gallicius, purtada ensemen tras Georg Leonhardi. El ha maridà ina Brunett, ina schlatta d'Alvaschein. 1881 fin sia mort è el stà plevon a Flem. Ses figl Christian Candrian, medemamain plevon, è suandà a ses bab sin scantschala a Flem. Lucius Candrian scriveva tenor atgna indicaziun en il Romonsch da la Ligia Grischa è possedeva ina pitschna biblioteca privata tar el a chasa a Flem.

Publicaziuns[modifitgar | modifitgar il code]

  • Philipp Gallicius, reformatur grischun. Biografia conponida da Georg Leonhardi. Vertida or dil Tudesc en il Romonsch da la Ligia Grischa tras Lucius Candrian. Sprecher a Plattner. Cuira, 1878.
  • cun Luci Gabriel, Gion Martin Darms: Il Niev Testament da Niess Segner Jesus Christus. Il cudisch dils psalms. Societad biblica britannica ad externa, 1869.
  • cun J. M. Darms, Stephan Schlatter: La Bibla u la Sontga Scartira : dil Veder a Niev Testament. Stamparia August Osterried. Francfort al Main, 1870.
  • cun Janett Michel: Die ökonomischen Verhältnisse der evangelischen Kirchgemeinden des Kantons Graubünden. F. Gengel. Cuira, 1883.

Litteratura[modifitgar | modifitgar il code]

  • Jakob Rudolf Truog: Die Pfarrer der evangelischen Gemeinden in Graubünden und seinen ehemaligen Untertanenländern (1935) - In: Jahresbericht der Historisch-Antiquarischen Gesellschaft von Graubünden Tom 65, Cuira 1935. Pag. 146.