Duin

Questa pagina è scritta en sursilvan.

Duin
Duin
Administraziun
Chantun	Grischun
District	Surselva
Lingua(s)	rumantsch (sursilvan)
Numer postal	7112
Geografia
Autezza	1'180 m s. m.
Surfatscha	17.93 km²
Coordinatas	46° 42′ 59.99″ N 09° 13′ 0.02″ O
Demografia
Populaziun	93 (31. december 2006)
Pagina-web uffiziala

Duin ( [duɪ̯n]^?/i, tudestg Duvin [duˈvin]^?/i) ei in vitg ed in'anteriura vischnaunca politica svizra en il district Surselva dil cantun Grischun. Dapi igl 1. da schaner 2014 fuorma el ina fracziun dalla nova vischnaunca politica da Glion.

Geografia

Da Duin, che secatta sin ina terrassa han ins survesta sur l'entira Lumnezia. Dalla vart dretga separa la Val da Pitasch Duin da Pitasch. Dalla vart seniastra separa la Val Uastg Duin da Camuns. Dallas 1797 ha terren che s'audan tier la vischnaunca ein 180 ha tiara da cultura, 755 ha pastiras, 530 ha uaul e 332 ha terren nunproductiv, pil pli cuolms.

Tier excavaziuns el contuorn dil vitg han ins anflau fossas sin in biet. Quellas muossan, che Duin era gia habitau el temps prechristian. Entuorn igl onn 840 vegn Duin numnau per l'emprema gada en ina brev (sco "Auna"). Egl onn 1290 vegneva Duin numnau "Aiuns".

Vischnauncas cunfinontas

Egl ost ha Duin in cunfin culla Stussavgia, el nord cun Pitasch, el nordvest cun Cumbel ed el sid e sidvest cun Suraua.

Sistem da scola

Duin posseda ina pintga scola cumplessiva per l'emprema entochen la sisavla classa (ensemen cun Pitasch). Silsuenter van ils scolars a scola a Glion (scola secundara ni reala). Lungatg da scola ei romontsch, tudestg vegn introduciu sco emprem lungatg jester ella quarta classa.

Colligiaziuns

• Adolf Collenberg: Duin en il Lexicon istoric retic
• Adolf Collenberg: Duvin en il Historisches Lexikon der Schweiz