Otto Largiadèr
Otto Largiadèr (* 3 da schaner 1926 a Puntraschigna; † 6 da november 2012 a Puntraschigna) è stà in politicher svizzer.
Vita e carriera[modifitgar | modifitgar il code]
Otto Largiadèr è naschì ils 3 da schaner 1926 a Puntraschigna, nua ch'el è creschì si ed ha frequentà la scola primara. Suenter la matura a la Scola chantunala a Cuira ha el cumenzà il studi da l'economia publica a l'Universitad da Turitg ed a l'Institut per il turissem da l'Universitad da Berna.[1] Il 1948 ha el chalà il studi suenter ch'el è vegnì elegì sco directur da cura a Puntraschigna, in post ch'el ha occupà fin il 1974.[2]
Carriera politica[modifitgar | modifitgar il code]
La carriera politica dad Otto Largiadèr ha entschet il 1961 sco president communal a Puntraschigna. Il 1961 è el vegnì elegì en Cussegl grond sco represchentant democratic (dapi il 1971 PPS) dal circul da l'Engadin'Ota. Il 1973/74 è el stà president dal Cussegl grond. Questa posiziun ha el occupà fin il 1974.[1][2]
Dal 1975 fin il 1986 è Largiadèr stà cusseglier guvernativ. Durant ses temp en la regenza el stà a la testa dal departament d'educaziun e sanitad.[2] En il rom da l'uschenumnada concepziun da museum e planisaziun da sanadad ha el realisà numerus projects da construcziun en il champ dals museums chantunals, dals ospitals, sco er da chasas d'attempads e da tgira.[3] Uschè ha el per exempel gidà ad adattar la clinica psichiatrica Waldhaus a Cuira a las exigenzas dal temp.[4] Il 1979 ed il 1984 è el stà president da la regenza.[1] Tranteren è el stà responsabel per l'Uffizi da chatscha e pestga.[4]
Suenter ch'el è sa retratg da la regenza chantunala, è el turna enavos a Puntraschigna, nua ch'el ha fatg danovamain il president communal.[2] Ultra da quai è el s'engaschà per en maniera decisiva en pliras instituziuns d'Engiadin'Ota.[4]
Vita privata e mort[modifitgar | modifitgar il code]
Otto Largiadèr era in bun chatschader.[4] El era maridà ed aveva dus uffants. El è mort ils 6 da november 2012 en la vegliadetgna dad 86 onns.
Annotaziuns[modifitgar | modifitgar il code]
- ↑ 1,0 1,1 1,2
Ursus Brunold: Largiadèr, Otto en il Lexicon istoric retic
- ↑ 2,0 2,1 2,2 2,3 Protocol da la sesida d'avertura dal Cussegl grond grischun dals 11 da favrer 2013
- ↑ Otto Largiadèr è mort. Novitads da la RTR dals 09.11.2012. Consultà ils 01.03.2014.
- ↑ 4,0 4,1 4,2 4,3 Gion Gaudenz: Otto Largiadèr. 1926–2012. En: Chalender Ladin. 2014, p. 125.
