Parc Naziunal Svizzer

Ord Wikipedia
Midar tar: navigaziun, tschertga
Il logo dal parc

Il Parc Naziunal Svizzer (tudestg: Schweizerischer Nationalpark, franzos: Parc National Suisse, talian: Parco Nazionale Svizzero, englais: Swiss National Park) è situà en il chantun Grischun en la Engiadina bassa. Las vischnancas cha fan part dal territori dal parc èn Zernez, S-chanf, Scuol, Valchava ed Lavin. La surfatscha dal parc è da 172.4 km2.

Istorgia[modifitgar | modifitgar il code]

A la fin dal 19avel tschientaner creschiva l’industrialisaziun ad in crescher ed i deva er en Svizra adina dapli umans che sa faschevan quitads per la natira e per ses avegnir. Ils pioniers da la fundaziun dal Parc Naziunal eran perscrutaders da la natira da la Societad svizra per la perscrutaziun da la natira, la ASPN dad oz. Perscrutaders sco Fritz Sarasin, Carl Schröter, l’Engiadinais Steivan Brunies ed auters temevan ina destrucziun creschenta da la natira e vulevan dar cuntrapais cun fundar in parc naziunal. La fundaziun dal Parc Naziunal Svizzer è stà in’etappa impurtanta en l’istorgia da la protecziun da la natira. Quest reservat è stà l’emprim parc naziunal da las Alps e da l’Europa centrala. La fundaziun dal Parc Naziunal Svizzer data dal 1 d'avust dal 1914.

Colliaziuns[modifitgar | modifitgar il code]