Roman Bühler

Ord Wikipedia
Jump to navigation Jump to search

Roman Bühler (* 1951; † 8 d'october 2006) da Domat era in istoricher grischunais. Sia ovra principala è «Bündner im Russischen Reich» cun dedicaziun en tut las trais linguas grischunaisas.[1]

Vita[modifitgar | modifitgar il code]

Roman Bühler è creschì si a Domat/Ems ed ha frequentà la scola chantunala a Cuira. Silsuenter ha el studegià a Turitg. El ha studegià Istorgia cun ils accents sin la slavistica e studis osteuropeics. Bühler discurriva fitg bain russ e polac uschè che el ha pudì ir, sut circumstanzas difficilas en ils onns 1980, a la tschertga en ils archivs sovietics. Ina vasta studia davart ils emigrants grischunais è stà il resultad da questa retschertga, defendida 1989 sco dissertaziun da Bühler. Questa ovra è in manual per l'emigraziun vers Ost e, metodic e tematic, ina publicaziun exemplarica, cumparida 2003 gia en secunda ediziun tar l'institut da perscrutaziun da la cultura grischuna.[2]

Fontaunas[modifitgar | modifitgar il code]

  1. Bühler, Roman. Bündner im Russischen Reich, Desertina, Disentis/Mustér, 1991. ISBN 3-85637-201-6
  2. Jörger, Georg. Mitteilungen ikg. Communicaziuns icg. Cuira, 2007.