Zum Inhalt springen

Domat

Ord Wikipedia
Questa pagina è scritta en rumantsch grischun. Igl exista er in artitgel davart il medem tema en sursilvan.

[[Categoria:]]

Domat
Vischnanca politica
Domat en direcziun Cuira

Vopna
Administraziun
Stadi Svizra
Chantun Grischun
Regiun Plaun
President communal Erich Kohler (PCD)[1]
Territori
Autezza 586 m s.m.
Surfatscha 24,22 km²
Populaziun 8244 abitants
(31 da december 2021)
Spessezza 312 ab./km²
Autras infurmaziuns
Numer postal 7013
Preselecziun 081
Numer UST 3722
Internet
Pagina-web uffiziala
Lexicon istoric retic

Domat ( [ˈdomɐt]?/i, tudestg Ems) è ina vischnanca en il chantun Grischun en Svizra; ella tutga tar il district dal Plaun. Domat/Ems è dapi l'onn 1943 il num uffizial da la vischnanca e collia il num rumantsch e tudestg.

Domat ha bleras baselgias. Quellas mussan ils differents stadis co la vischnanca è carschida. La pli veglia baselgia è quella da Sogn Pieder al pè da la Tuma Castè. Al possess da la vischnanca da Domat tutga era l‘Alp Ranasca sur Pigniu.

Enconuschenta lunsch enturn è la vischanca da Domat pervia da sias dudesch tumas.

Enfin l'entschatta dal 20. tschientaner discurriva la gronda part da la populaziun rumantsch. Davent da la secunda mesadad dal 20. tschientaner è vegnì discurrì adina dapli tudestg.

Populaziun[modifitgar | modifitgar il code]

Svilup da la populaziun
Onn 1850 1900 1941 1960 1970 1980 1990 2000 2020
Populaziun 1247 1504 1955 3469 5701 6266 6442 6372 8185

Cultura ed attracziuns[modifitgar | modifitgar il code]

Domat è enconuschent per sias processiuns. La pli enconuschenta processiun è quella da Sontgilcrest che vegn festivada diesch dis suenter Tschuncaisma. Medemamain han las processiuns da Nossadunna d'avust sco era quella da venderdi sontg in plaz fix en la vita dal vitg.

In impurtant plaz en la vita culturala da Domat ha era il tschaiver (el dialect da domat: bagordas). Il tschaiver ha lieu durant quatter dis e finescha cun il «vendergis mellen». Il punct culminant è la gievgia grassa cun il til da tschaiver.

Baselgias[modifitgar | modifitgar il code]

Insatge che dat en egl, èn las bleras baselgias e capluttas che mussan ils differents stadis da svilup dal vitg. En tut ha Domat set edifzis sacrals. Il pli vegl sanctuari è la baselgia Sogn Pieder al pè da la Tuma Casté. Il pli giuven bajetg è la baselgia refurmada dal onn 1964.

  • Baselgia Sogn Pieder
  • Baselgia Sogn Gion
  • Baselgia parochiala Katholische Pfarrkirche Mariä Himmelfahrt
  • Caplutta Nossadunna da las dolurs
  • Caplutta Sogn Antoni
  • Caplutta S. Frena
  • Baselgia refurmada

Annotaziuns[modifitgar | modifitgar il code]

  1. Erich Kohler è il nov president da Domat sin rtr.ch