Silva Semadeni

Ord Wikipedia
Jump to navigation Jump to search
Silva Semadeni

Silva Anita Semadeni (* 8 da favrer 1952 a Basilea, burgaisa da Puschlav) è ina istoricra, politicra e scolasta svizra. Ella instruescha a la Scola chantunala da Cuira (gimnasi biling), è in’exponenta da la Partida socialdemocratica da la Svizra.

Biografia[modifitgar | modifitgar il code]

Silva Semadeni è creschida si a Poschiavo, en ina vallada da lingua taliana dal chantun Grischun. Ella ha studegià istorgia, etnologia e litteratura taliana a Turitg, Firenza e Berlin (lic.phil 1981).

Dal 1994 fin 1996 ha ella represchentà la Partida socialdemocratica en il Cussegl communal (legislativa) da la citad da Cuira, chapitala dal Grischun. Dal 1995 fin 1999 ha ella represchentà ses chantun sco Cussegliera naziunala en il parlament svizzer a Berna. En il 2011 è ella puspè vegnida elegida en il Cussegl naziunal. Sias finamiras politicas principalas ha ella en ils secturs da la protecziun da la natira, da l’energia e da la cultura.

Dapi 2002 è ella presidenta da la Pro Natura, la pli impurtanta organisaziun per la protecziun da la natira en Svizra. Oz è ella era commembra da la Cumissiun dal Parc Naziunal Svizzer (ENPK), commembra da la Cumissiun dal Fond Svizzer per la Cuntrada (FSC), commembra dal cussegl d’administraziun da l’IBC Energie Wasser Cuira, commembra dal cussegl da fundaziun da la Clostra San Jon a Müstair. Semadeni è stada plirs onns commembra dal Cussegl da fundaziun da la Pro Helvetia, la fundaziun naziunala per la promoziun da la cultura (2000-2008) e dad EnergiaSvizra, la cumissiun strategica per dumondas d’energia dal Cussegl federal (2000-2009).

Silva Semadeni è maridada e viva a Cuira.

Colliaziuns[modifitgar | modifitgar il code]