Casti

Ord Wikipedia
(renvià da Tiefencastel)
Jump to navigation Jump to search
Casti
Tiefencastel wappen.svg
Administraziun
Chantun Grischun
District Alvra
Circul Alvaschagn
Lingua(s) rumantsch, tudestg
Numer postal 7450
Geografia
Autezza 851 m s. m.
Surfatscha 14.85 km²
Coordinatas 46° 39′ N 9° 34′ O
Demografia
Populaziun 272 (31 da december 2008)
Karte Gemeinde Tiefencastel.png
Pagina-web uffiziala


Casti (uffizialmain: Tiefencastel) è ina vischnanca politica en il chantun Grischun en la Svizra.

Tiefencastel, vista da nord
Tiefencastel, vista da vest

Vopna[modifitgar | modifitgar il code]

Descripziun: In argient (alv) sut in ansertgel blau sa chatta in chastè cun dus turs ed in portal. Cul chastè medieval che sa chattava a ses temp sil mut-baselgia Suloms odiern explitga la vopna il num da la vischnanca. Il ansertgel blau suravi signifitga la confluenza da l'Alvra (dretg) e da la Gelgia (sanester). Las colurs correspundan a las colurs dals baruns da Vaz.

Geografia[modifitgar | modifitgar il code]

Casti è situà en ina foppa ordador la Val Alvra nua che las vias vers Surses e vers la Val Alvra davains sa spartan. La vischnanca sa chatta sin in'autezza dad 851 m.s.m. (Hotel Alvra). Il punct il pli bass dal territori communal è sper la riva dal Lai da Niselas sen 825 m.s.m., il punct il pli aut sa chatta radund 200 meters al nordvest dal Piz Mitgel sin 3'100 m.s.m. A Casti conflueschan l'Alvra e la Gelgia.

Tenor la statistica cantunala or da l'onn 1997 sa cumpona il territori communal or da 302 hectaras (20%) surfatscha agricola, 736 hectaras (50%) guaud, 46 hectaras (3%) surfatscha abitada e 401 hectaras (27%) surfatscha betg productiva. La surfatscha agricola sa lascha parter si en 116 hectaras prads ed ers e 186 hectaras pastgiras ed alps.

La lingia Cuira-San Murezzan da la Viafier Retica passa a Casti.

Casti ha diesch vischnancas vischinantas, numnadamain: Alvaschagn, Stierva, Mon, Riom-Parsonz, Cunter, Savognin, Filisur, Alvagni, Surava e Brinzauls.

Populaziun[modifitgar | modifitgar il code]

Linguas[modifitgar | modifitgar il code]

Uriundamain era Casti ina vischnanca dal tuttafatg rumantscha. L'onn 1880 faschaivan ils rumantschs or 89% da la populaziun, l'onn 1910 80%. En il fratemp è il dumber sa sminuì ferm. L'onn 1970 discurrivan be anc 53% da la populaziun rumantsch. Oz èn schibain il tudestg sco era il rumantsch linguas uffizials. Discurrì vegn il idiom surmiran.

Linguas a Casti
Lingua Dumbraziun 1980 Dumbraziun 1990 Dumbraziun 2000
Abitants Part Abitants Part Abitants Part
Tudestg 138 49.8% 113 47.3% 134 58.3%
Rumantsch 124 44.8% 102 42.7% 87 37.8%
Talian 9 3.3% 9 3.8% 3 1.3%
total 277 100.0% 239 100.0% 230 100.0%

Confessiun[modifitgar | modifitgar il code]

80% da la populaziun è da confessiun catolic-romana e 13% da confessiun evagelic refurmada (dumbraziun 2000). 86% dals abitants èn burgais svizzers (December 2005).

Colliaziuns[modifitgar | modifitgar il code]

Commons
Commons: Casti – Collecziun da maletgs, videos e datotecas d'audio