Tuma (Geografia)

Tumas a Domat. Davant la Tuma Tschelli, sanester la Tuma Casté e davosvart la Tuma Turera cun la baselgia Sogn Gion. Fotografia da Walter Mittelholzer, 1925.

Tuma Tschelli

Tumas numan ins las collinas marcantas ch'èn caracteristicas per la cuntrada enturn Domat en la Val da Rein en il chantun Grischun.

Las dudesch tumas èn cun gronda probabladad in resultat da las bovas da crappa da Flem e Tumein. Che las tumas n'èn betg ina furma d'erosiun dal Rain, è vesaivel al fatg ch'ils cugns n'èn betg ina furma tipica d'erosiun.

Las tumas en il center dal vitg da Domat, a Favugn ed a Cuira èn in resultat da las restanzas transportadas da las bovas da crappa da Tumein.

Dador la regiun da la Val da Rain vegn tar quella sort da collinas discurri da «Tomahügel» ni era da «Tumas».

Litteratura

• Jörger, Kaspar: Domat/Ems. Eine geographische und kulturhistorische Studie, herausgegeben von Hendri Spescha, Domat/Ems 1962
• Emil Kirchen: Wenn der Berg stürzt: das Bergsturzgebiet zwischen Chur und Ilanz . - Chur [etc.]: Terra Grischuna, cop. 1993. ISBN 3-7298-1087-1
• Adrian Pfiffner: Die Bergstürze von Tamins und Flims, SeniorenUniversität Bern, 1. Dez. 2020