Utilisader:MeLis Adragun/Cudeschs/Il Pitschen Prinzi/Introducziun

Antoine de Saint-Exupéry (* 1900 a Lyon; † 1944 en vischinanza da l'Île de Riou sper Marseille) è stà in scriptur franzos e pilot. Ses raquint cun caracter da paraula ‹Il Pitschen Prinzi› (1943) tutga cun bundant 140 milliuns exemplars tar ils cudeschs vendids il pli bler en tut il mund. Quel è vegnì translatà en dapli che 300 linguas e dialects.

L'ediziun en rumantsch sa basa sin il text original. Confurm a l'idea d'edir en la retscha ‹Classichers da la litteratura per uffants e giuvenils› il text stget, cumpara quella senza las illustraziuns. Per quest intent èn vegnidas laschadas davent en ils chapitels I e II passaschas minimalas (cursiv) che sa refereschan als dissegns:

...il dissegn mussava ina boa che tragutteva in animal selvadi. Qua è ina copia dal dissegn.

...sun jau stà bun da far cun ina colur mes emprim dissegn. Mes dissegn numer 1. E quel era uschia.

...Els dovran gea adina explicaziuns. Mes dissegn numer 2 era uschia:

...hai jau spert scrivlottà nà quest dissegn:

Senza midaments cumparan percunter – per betg intervegnir memia ferm en il text – las passaschas a la fin dal chapitel V (che tracta il dissegn dals baobabs) ed en l'epilog (davart la cuntrada deserta nua ch'il Pitschen Prinzi è vegnì sin la Terra e puspè partì; cf. maletg da cuverta).

La versiun preschenta dal cudesch è vegnida preparada per la stampa il settember 2019. Maletg da cuverta: Antoine de Saint-Exupéry. Ulteriurs cudeschs da Vichipedia pronts per telechargiar sco e-book u per empustar sco cudesch stampà èn da chattar sut: https://rm.wikipedia.org/wiki/Wikipedia:Cudeschs.

[[Datoteca:.jpg]]

Tar questa publicaziun exista in dossier tematic cun material accumpagnant (infurmaziuns davart l'autur, resumaziun e.a.). P.pl. endatar en la lingia d'adressa dal navigatur: bit.ly/2mjtIU5.