Utilisader:MeLis Adragun/Cudeschs/Pederin sgola sin la glina/Introducziun

En furma da cudesch è il raquint (u paraula) ‹Peterchens Mondfahrt› cumparì l'emprima giada il 1915 a Berlin; illustraziuns: Hans Baluschek (1870–1935). L'emprima represchentaziun da quest toc – sco gieu cun chant e musica – era gia vegnida dada il 1912 a Lipsia.

L'autur Gerdt von Bassewitz (1878–1923) derivava d'ina veglia famiglia aristocrata. El ha l'emprim fatg carriera en l'armada prussiana; gia cun 25 onns è el però vegnì pensiunà pervi d'ina malsogna dal cor. Silsuenter è el stà activ sco actur e scriptur.

L'ediziun en rumantsch sa basa sin il text original sco ch'el è accessibel en il Project Gutenberg. Quel è vegnì translatà a moda integrala (senza scursanidas) ed en furma uschè autentica sco pussaivel (adattaziuns linguisticas minimalas).

La versiun preschenta dal cudesch è vegnida preparada per la stampa l'avrigl 2019. Ulteriurs cudeschs da Vichipedia pronts per telechargiar sco e-book u per empustar sco cudesch stampà èn da chattar sut: https://rm.wikipedia.org/wiki/Wikipedia:Cudeschs.

[[Datoteca:.jpg]]

Tar questa publicaziun exista in dossier tematic cun material accumpagnant (infurmaziuns davart l'autur, resumaziun e.a.). P.pl. endatar en la lingia d'adressa dal navigatur: bit.ly/3LRa5un.