Zum Inhalt springen

Utilisader discussiun:Barbla

Seiteninhalte werden in anderen Sprachen nicht unterstützt.
Ord Wikipedia

Bainvegni

[modifitgar il code]

Chara Barbla, bel che ti has chattà la via en la vichipedia! Ed engraziel fitg per l'offerta che ti sajas pronta da dar respostas sin dumondas linguisticas, quai pudain nus segiramain duvrar ;-)

Chars salids, Gion-andri 21:47, 16 Settember 2008 (CEST)

Bainvegni/ Han-Zeichen ed ISO-Code

[modifitgar il code]
Super che nus avain uss ina linguista tar vichipedia! Bainvegni! Jau hai gist ina dumonda che Andreas ha fatg a mi ed jau na pudeva betg propi respunder:

«...ich hätte eine Frage zu Zusammensetzung von Wörtern mit Abkürzungen und ausländischen Wörtern im Romanischen. Wie setzt man z. B. ISO-Code oder Han-Zeichen zusammen? Han beschreibt eine chinische Dynastie und die zugehörige Kultur. Han-Zeichen steht für chinesische Schriftzeichen, analog zum chinesischen Namen hànzì (zì, u. a. Schriftzeichen).»

:salids Rubadur 14:03, 17 Settember 2008 (CEST)

Char Andreas, char rubadur,

Jau propon da duvrar il code ISO (analog al franzos code ISO, norme ISO u al rumen cod ISO, codul ISO). Sch'ins enconuscha il numer, pon ins era evitar quest term e mo duvrar l'ISO 4217.

Per ils Han-Zeichen la medema furmaziun: letras Han (analog al franzos charactères Han u talian scrittura Han). Qua sa fa anc la dumonda, tge pled rumantsch ch'ins vul durar per Zeichen. Il Pledari Grond cuntegna per chinesische Schriftzeichen letras chinaisas, perquai restass jau tar letras.

Cs Barbla 08:38, 19 Settember 2008 (CEST)

Ortografia da babel

[modifitgar il code]

Grazia fitg. Anc ina pitschna dumonda: Tge dis ti da questas formulaziuns (da chattar sin paginas d'utilisaders). Pon ins forsa (per part) formular quai in zichel meglier? Oravant tut 2,3 e 6 ma para in zichel curius.

  1. Quest utilisader discurra rumantsch sco lingua materna.
  2. Quest utilisader po contribuir cun in nivel cumparegliabel cun la lingua materna da rumantsch.
  3. Quest utilisader po contribuir cun in nivel experimentà da rumantsch.
  4. Quest utilisader po contribuir cun in nivel mesaun da rumantsch.
  5. Quest utilisader po contribuir cun in nivel elementar da rumantsch.
  6. Quest utilisader na sa betg rumantsch (u chapescha be cun grondas difficultads).

Salids. Rubadur 16:51, 25 Settember 2008 (CEST)

Qua in pèr propostas per meglras formulaziuns: (per inditgar las enconuschientschas da linguas èn ils nivels dal "Europäisches Sprachenportfolio" [1] idealas. Quellas vegnan adina pli enconuschentas e duvradas en divers secturs. Là chattais era ina tabella per evaluar sez, sin tge nivel che vus as chattais. Jau propon da dvurar sche pussaivel quels nivels. Quels van dad A1 fin C2, giuditgadas vegnan linguas estras. Pli aut che il nivel C2 è alura il dicurrider da lingua materna. A1 è propi il livel da basa, C2 alura gia excellent).

  1. Rumantsch è la lingua materna da quest utilisader.
  2. Quest utilisader sa bunamain uschè bain rumantsch sco ina persuna da lingua materna rumantscha. (C2)
  3. Quest utilisater ha bunas fin fitg bunas enconuschientschas da rumantsch. (B2 u C1)
  4. Quest utilisarder ha detg bunas enconuschientschas da rumantsch. (B1)
  5. Quest utilisader ha enconuschientschas da basa da la lingua rumantscha. (A2)
  6. Quest utilisader na sa betg rumantsch (u chapescha be cun grondas difficultads). (A1 u nagut)

Jau hai mess en mias giudicaziuns a tge nivel dal Sprachenportfolio che las enconuschientschas dals utilisader pudessan correspunder. Ma i fiss impurtant fiss, che mintga utilisader giuditgass sez, tge nivel ch'el ha. Cs--Barbla 09:04, 26 Settember 2008 (CEST)

Grazia fitg! Jau hai anc agiuntà in, dus titels sin tia pagina da discussiun per far tut pli survesaivel. Jau sper che quai saja en urden. Salids Rubadur 15:26, 3 october 2008 (CEST)

chantun Grischun/Chantun Grischun

[modifitgar il code]

Tgau Barbla! Jau hai puspè duas dumondas: 1) Scrivan ins pitschen u grond il pled "chantun" en ils nums da Questas categorias? 2) Tge dis ti da questa formulaziun: "Cabbio è ina vischnanca politica svizra en il chantun Tessin che appartegna al circul Caneggio dal district Mendrisio"? Chapibel? Meglierabel? Omadus? salids Rubadur 14:33, 5 october 2008 (CEST)


Char Rubadur, Grazia per la buna structura!

Tar tias dumondas:

1. Scriva pitschen chantun en tut questas categorias: Las vischnancas dal chantun Friburg... (En general chantun pitschen; grond mo, sche il Chantun sco instanza politica è manegià. Ex. "Quai decidan la Confederaziun ed il Chantun ensemen"). Qua èn tenor mai manegiads plitost ils chantuns sco unitads geograficas.

2. Proposta: "Cabbio è ina vischnanca politica svizra en il chantun Tessin. Ella è situada en il circul Caneggio dal district Mendrisio". Tge manegias? Tschella varianta è però era chapibla.

Chars salids da Barbla 15:29, 6 october 2008 (CEST)

Discrepanzas tranter PG e LIR

[modifitgar il code]

Chara Barbla, jau hai chattà in pèr discrepanzas tranter il Pledari Grond ed il Lexicon istoric retic: Tenor il Pledari Grond è il num rumantsch dal Walgau, ina vallada dal Vorarlberg, "Val Druschuna" ch'jau na poss betg chattar cun Google. Tenor l'e-LIR ha questa vallada num "Val Druschauna" ch'era furnescha in pèr resultats en Google. Là sa tractai dad in sbagl da scriver? Il medem problem hai jau gì cun il num da Morbegno, ina vischnanca en la provinza taliana da Sunder/Sondrio. Tenor il PG è il num rumantsch "Morbegn" aber en l'artitgel Gerola Alta hai jau chattà la furma "Murbegn" cun U. Tener l'e-LIR è quai la furma "gista".
E jau hai chattà in "sbagl" en il PG, numadamain "digraf", in pled proponì d'in utilisader da nossa Vichipedia. Vus avais là scrit "diAgraf" ch'è sbglà, almain per il pled tudestg.
Plinavant tschertgan nus en la Vichipedia la translaziun RG per il voivodat da Westpommern en Pologna (u "en la" Pologna?). En quest artitgel ord La Quotidiana hai jau scuvrì "Pomarania dal vest". È quai la furma "recumandada" u esì meglier da scriver "Pomarania occidentala"? Egal quala furma è gista, la segunda part dal num sto vegnida scritta cun maiuscola, u betg? Sco en ils auters toponims en il PG. --Andreas 03:12, 14 avust 2009 (CEST)

Fallback language

[modifitgar il code]

Tgau Barbla,

En la Pinta dat ei mumentan ina discussiun davart la "fallback language" per la vichipedia romontscha, respectivamein discutan els sin il "phabricator" davart la vichipedia romontscha. Forsa has ti gust da participar en questa discussiun, er sche ti eis stada inaktiv dapi in per onns.

Cars salids, --Terfili (talk) 11:11, 10 fanadur 2017 (CEST)

Da "https://rm.wikipedia.org/w/index.php?title=Utilisader_discussiun:Barbla&oldid=153264"