Casti (uffizialmain: Tiefencastel) è ina fracziun da la vischnanca da Alvra en il chantun Grischun en la Svizra.
Il 1. da schaner 2015 è ella vegnida fusiunada cun las anteriuras vischnancas da Alvagni, Alvaschagn, Brinzauls , Mon , Stierva e Surava a la nova vischnanca da Alvra (tud. Albula).
Casti è situà en ina foppa ordador la Val Alvra nua che las vias vers Surses e vers la Val Alvra davains sa spartan. La vischnanca sa chatta sin in'autezza dad 851 m.s.m. (Hotel Alvra). Il punct il pli bass dal territori communal è sper la riva dal Lai da Niselas sen 825 m.s.m., il punct il pli aut sa chatta radund 200 meters al nordvest dal Piz Mitgel sin 3'100 m.s.m. A Casti conflueschan l'Alvra e la Gelgia.
