Religiun
|
Quist artichel es scrit in rumantsch vallader
|
Religiun significha ün cuntegn uman chi s'orientescha vers ün esser divin respectivmaing surnatural o vers ideas. L'origen dal pled nun es cler ed evidaint derivand probabelmaing da la noziun latina "religere", quai voul dir "as liar inavo".
L'istorgia da l'umanità cugnuoscha üna pruna da religiuns chi tendscha da religiuns primitivas stand in colliaziun cun superstiziun fin a talas religiuns chi consistan in sistems spirituals o filosofics.
Sper religiuns chi as restraindschan ad ün unic pajais sco p.ex. il giudaissem daja otras religiuns chi vegnan nomnadas religiuns mundialas perseguitand il böt da's derasar sül muond inter sainza cunfins etnics. I'l cas dal giudaissem as pudess eir dir d'üna religiun mundiala schabain ch'ella nun es pel solit activa missiunaricamaing. Tuottüna sta il salüd dal muond e da tuots pövels i'l center da la spranza.
La teoria da plü bod, cha la religiun moura oura plan a plan parallelmaing al svilup da la scienzcha, nu vala plü. In cuntrari as po verer cha la religiusità s'ha renovada eir in societats modernas.
