Tibet

Ord la Wikipedia

Midar tar: navigaziun, tschertga

Tibet (tibetan བོད་ Bod, “Pö”; chin. 西藏, Xīzàng) è ina vasta regiun alpina en l’Asia Centrala ed è la patria dal pievel tibetan. Cun in’autezza media da 4’500 meters è il Tibet la regiun la pli auta dal mund che vegn savens era numnada il “tetg dal mund”. La denominaziun Tibet vegn oz duvrada per l’entira regiun alpina tibetana, ma era per la Regiun autonoma da Tibet, in territori cun administraziun communabla che la Republica populara da la China ha annectà en ils onns tschuncanta. La Regiun autonoma dal Tibet cumpiglia ca. la mesadad dal spazi cultural tibetan e sa chatta en il sid dal Tibet. Il nord e l’ost dal territori cultural tibetan èn parts da las provinzas chinaisas Qinghai, Gansu, Sichuan e Yunnan. En la lingua chinaisa uffiziala stat la noziun englaisa Tibet (qvd. il Xizàng chinais) adina per Regiun autonoma da Tibet. Ma era la noziun tibetana bod resp. bod yul n’enserra per il pli betg las regiuns tibetanas da l’ost Amdo e Kham, regiuns che sa chattan per gronda part ordaifer la Regiun autonoma da Tibet. Per che tut saja cumpiglià, sto vegnir duvrà il pled tibetan bod chen (Böchen) = “Grond-Tibet”.

L’appartegnientscha dal Tibet a la Republica populara da la China è contestada en la publicitad (guarda era: status dal Tibet), schegea ch’i na dat betg in stadi sin il mund che mettess en dumonda quai sin livel diplomatic e politic.

Cuntegn

[editar] Definiziuns da Tibet

Las divisiuns d’administraziun autonomas tibetanas en la Republica populara da la China

Sche la Republica populara da la China (RPC) discurra da Tibet, manegia ella la Regiun autonoma dal Tibet cun la chapitala Lhasa; ina da las tschintg regiuns autonomas da la RPC. La Regiun autonoma da Tibet includa l’anteriur territori dal Dalai Lama che consista da Ü-Tsang e Kham occidental. Amdo e Kham oriental èn parts da Qinghai, Gansu, Sichuan e Yunnan.

Sche la Regenza tibetana en l’exil e la diaspora tibetana dovran il term Tibet, sa refereschan els a las regiuns che consistan da las provinzas tradiziunalas dad Amdo, Kham ed Ü-Tsang, ma che excludan Sikkim, Bhutan e Ladakh che furmavan era ina part dal territori cultural dal Tibet.

Las differenzas da las definiziuns procuran per bleras dispitas. La repartiziun dad Amdo e Kham oriental en las provinzas vischinas ha cumenzà en il 18avel tschientaner ed è vegnida cuntinuada da las regenzas chinaisas sequentas.

[editar] Geografia

Muntognas en il Tibet

La regiun alpina dal Tibet enserra en il sid ina gronda part da las muntognas dal Himalaia e sa chatta sin in’autezza media da 4’500 meters en il nord e 3’000 meters en il sid. Il culm il pli aut è l’Everest che è cun ses 8’842 meters er il culm il pli aut dal mund. Il Tibet è ina da las regiuns las pli autas dal mund e vegn savens era numnada il “tetg dal mund”.

La planira auta dal Tibet sumeglia plitost ad in desert; il pli sitg èsi en las steppas alpinas dal vest. Il motiv per quella sitgira è il Himalaia: en il sid tegna quel enavos la plievgia da monsun da l’India e procura per in clima continental en l’intern da la planira auta.

La segund gronda muntogna dal mund: K2 (8’611m) en il Karakorum central

Il Tibet è circumdà da las muntognas dal Himalaia en il sid, da las chadainas tibetanas-chinaisas en l’ost (Min Shan, Minya Konka, Hengduan Shan), da las muntognas da Karakorum en il vest e da la chadaina da muntognas da Kunlun Shan en il nord. Ma er en l’intern percurran diversas chadainas da muntognas il pajais. Dal vest a l’ost cunfinescha il Tibet cun ils stadis da l’India Jammu e Kashmir, Himachal Pradesh, Uttarakhand, Sikkim ed Assam (tenor l’opiniun chinaisa) resp. Arunachal Pradesh (tenor l’opiniun indica e tenor ils cunfins politics actuals); auters pajais cunfinants èn Nepal, Bhutan e Myanmar (Birma). La lunghezza totala dals cunfins cun quests trais ultims pajais munta a bunamain 4’000 km.

[editar] Il spazi cultural tibetan

Ils spazis culturals dal Tibet

Il Tibet “geografic” (qvd. il plateau dal Tibet inclus las muntognas a l’ur en China ed ils pajais cunfinants) s’extenda sur ina surfatscha da 2.5 milliuns km2 e vegn repartì tradiziunalmain en las suandantas regiuns culturalas.

  • Amdo (nordost); vitiers vegn savens anc quintà la foppa da Qaidam che n’appartegneva oriundamain betg ad Amdo
  • Kham (sidost)
  • Gyarong (orasum en l’ost)
  • Changhtang (steppas en il center, nord e nordvest)
  • Ü-Tsang che cumpiglia l’entir “Tibet central” (pia las provinzas Ü e Tsang che sa chattan atgnamain en il sid dal Tibet)
  • Ngari (Tibet dal vest)

Il Tibet dal vest fa dentant part dad in spazi cultural che va sur ils cunfins che cumpiglia las suandantas regiuns:

  • Ngari (Tibet / RPC)
  • Ladakh e Zangskar (Jammu e Kashmir, India)
  • Spiti e Lahul (Himachal Pradesh, India)

Era il spazi cultural dal Tibet central e dal sid s’extenda sur ils cunfins:

  • parts dal Nepal dal nord
  • il stadi indic Sikkim
  • parts dal district Darjiling en il stadi indic Bengala Occidental
  • parts dal stadi indic Arunachal Pradesh; da la gronda part dal territori da quest stadi pretenda la China ch’ella saja ina part dal Tibet

En tut quellas regiuns culturalas chatt’ins Tibetans resp. gruppas che discurran tibetan. En ils territoris a l’ur datti er autras gruppas etnicas che n’èn betg adina parentadas linguisticamain u culturalmain cun ils Tibetans (p.ex. ils Muslims ad Amdo e Ladakh).

[editar] La Regiun autonoma da Tibet

La Regiun autonoma da Tibet sco part dal Tibet entir

La Regiun autonoma da Tibet è in’unitad administrativa da la Republica populara da la China. Ella cumpiglia in territori da 1.2 milliuns km2 – las anteriuras provinzas dal Tibet central Ü e Tsang, Ngari, vastas parts da Changthang, sco era la part occidentala da la regiun culturala da Kham.

La Regiun autonoma da Tibet cumpiglia ca. la mesadad dal spazi cultural tibetan.

[editar] Clima

Desert en Ladakh

En il Tibet dominescha in clima muntagnard cun grondas fluctuaziuns da la temperatura dal di e cun bler sulegl. Era la differenza da temperatura tranter il sid ed il nord dal pajais è considerabla.

Il clima il pli agreabel chatt’ins en las regiuns pli bassas dal sidost da Tibet. Là èn era situadas las citads Lhasa, Gyangzê e Xigazê. Lhasa ha ina temperatura media da 8°C, Xigazê da 6.5°. Vers nord s’auza il plateau tibetan sin passa 4’500 meters autezza ed en la part dal nord da Tibet è la temperatura media da l’onn sut 0°C (regiun da schelira permanenta).

La gronda part da la populaziun tibetana viva en la regiun tranter Lhasa e Xigazê sco er a l’ur da l’ost da las muntognas. Il nord, las regiuns centralas ed er il vest dal Tibet èn quasi inabitabels.

Temperatura a Lhasa (en °C)
mais max. min.
schaner 6.8 -10.2 
favrer 9.2 -6.9 
mars 12.0 -3.2 
avrigl 15.7 0.9 
matg 19.7 5.1 
zercladur 22.5 9.2 
fanadur 21.7 9.9 
avust 20.7 9.4 
settember 19.6 7.6 
october 16.4 1.4 
november 11.6 -5.0 
december 7.7 -9.1 
media 15.3 0.8 


[editar] Populaziun

Istoricamain consistiva la populaziun dal Tibet principalmain da l’etnia tibetana. Autras gruppas etnicas en il Tibet èn Menba, Lhoba, Mongols e Chinais Hui (gruppa etnica chinaisa, da religiun muslima). La tradiziun di ch’ils emprims antenats dal pievel tibetan sajan stads ils Se, ils Mu, ils Dong, ils Tong, ils Dru ed ils Ra, represchentads entras las sis lingias cotschnas da la bandiera tibetana. La dumonda da la proporziun dals Chinais Han (gruppa etnica, a la quala appartegnan 90% dals Chinais) en la populaziun dal Tibet è politicamain fitg delicata. La regenza tibetana en exil di che la Republica populara da la China pratitgeschia ina politica che favuriseschia l’immigraziun dals Han per render ils Tibetans ina minoritad en lur agen pajais – quai che las autoritads chinaisas snegan.

Las cifras da la dumbraziun dal pievel da l’onn 2000 mussan che 92.8% da la populaziun da la Regiun autonoma da Tibet è tibetana e 6.1% Han. En l’entir Tibet (senza Xining e Haidong) vivan passa 7 milliuns Tibetans (69% da la populaziun) e 1.5 milliuns Chinais Han (20%)

La regenza tibetana en exil inditgescha dentant autras cifras. Tenor sias stimaziuns vivan oz 6 milliuns Tibetans e ca. 7.5 milliuns Chinais en las muntognas dal Tibet; en tut las citads furmian ils Chinais Han gia ina maioritad[1] e totalmain ca. 111’170 Tibetans vivian en l’exil: [2]

Tibetans en exil
India 85.000
Nepal 14.000
Canada ed USA 7.000
Bhutan 1.600
Svizra 2.500
Republica China 1.000
ulteriura Europa 640
Australia e Nova Zelanda 220
Scandinavia 110
Giapun 60

Questas cifras n’includan betg quels Tibetans che vivan sco independents, emploiads u era sco scolars en citads chinaisas en la part da l’ost da la China. Be gia a Beijing vivan radund 2’000 Tibetans. Era Lanzhou, la chapitala da la provinza chinaisa Gansu en il nordvest, e Chengdu, la chapitala da la provinza chinaisa Sichuan, han ina considerabla part tibetana en lur populaziun. Tenor stimaziuns inuffizialas vivan a Chengdu tranter 10’000 e 100’000 Tibetans. Cunquai che adina dapli Chinais Han èn puspè fascinads dal budissem tibetan, sa domicilieschan era tscherts Lamas en citads da la China da l’ost e dal sid, sco p.ex. a Shanghai, Hangzhou u Shenzhen.

[editar] Lingua

Il tibetan vegn discurrì en l’entir plateau dal Tibet, en il Bhutan ed en parts dal Nepal e da l’India dal nord. Il tibetan discurrì includa numerus dialects regiunals che n’èn savens betg chapibels vicendaivlamain. Las colliaziuns tranter il tibetan ed autras linguas dal Himalaia n’èn betg cleras dapertut. En general vegnan ils dialects dal Tibet central (Ü-Tsang cun Lhasa), da Kham, Amdo ed auters territoris pli pitschens considerads sco dialects tibetans. Autras furmas, sco per exempel il dzongkha (bhutanais), il sikkimais, sherpa e ladakhi èn varietads pli lontanas dal tibetan arcaic e vegnan consideradas da lur pledaders – oravant tut per motivs politics – sco linguas separadas. Cun considerar questa gruppaziun pli vasta da dialects tibetans vegn la lingua tibetana discurrida da ca. 6 milliuns persunas en la planira auta dal Tibet. Medemamain vegn il tibetan discurrì dad approximativamain 150’000 persunas en la diaspora. La lingua tibetana ha sia atgna scrittira che fa part da las scrittiras da la famiglia brahma.

[editar] Istorgia

[editar] La monarchia tibetana

Tranter il 7avel ed il 10avel tschientaner è il Tibet stà in grond imperi. Suenter che la posiziun dals retgs tibetans è vegnida indeblida il 10avel tschientaner, è la furma tipica da la societad tibetana sa furmada. Il terren era partì en trais diversas furmas da possess: possess funsil liber, bains funsils da las famiglias noblas e bains funsils sut l’administraziun da diversas claustras budisticas. Questa furma è sa mantegnida fin en ils onns 1950. Da quest temp eran passa 700’000 persunas da 1.25 milliuns purs dependents da la noblezza u da las claustras.

L’onn 1240 conquista il Khan (titel dad in regent) mongol Güyük Khan il Tibet ed al integrescha en l’imperi. Dal 13avel tschientaner fin il 14avel tschientaner vegnan commembers da la scola Sakya dal budissem tibetan engaschads dals Khans mongols sco viceretgs.[3] I suondan regenzas intermediaras cun trais dinastias guvernaturas. Durant l’ultima invasiun dals Mongols a l’entschatta dal 16avel tschientaner vegn la pli giuvna da las quatter lingias religiusas – quella dals Dalai Lamas – declerada sco regenza uffiziala. Dal 1643 al 1949 vegn il Tibet regì dal Dalai Lama e da la regenza tibetana.

A l’entschatta dal 18avel tschientaner etablescha la China il dretg da staziunar represchentants da la regenza cun plenipotenza (uschenumnads Ambans) a Lhasa. Cura ch’ils Tibetans rebelleschan l’onn 1750 cunter la China e mazzan il represchentant da la regenza, reagescha la China cun l’invasiun da sias truppas e cun nominar in nov represchentant. La regenza tibetana cuntinuescha dentant cun sia lavur.

Durant il 19avel tschientaner viva il pievel en in sistem feudal sut ils Lamas. Las claustras grondas possedan la gronda part da la terra, monopoliseschan il sistem da furmaziun e las bleras activitads economicas ed incasseschan taglias. I na dat nagin commerzi cun l’exteriur, cun excepziun dal commerzi cun l’India, il Turkmenistan e la China. Il Dalai Lama vegn considerà sco manader, ma sia influenza dependa da sias abilitads persunalas. Entras il sistem da la reincarnaziun era il Dalai Lama durant lungas fasas memia giuven per ademplir ses uffizi. Durant quels temps manava il Panchen Lama (scolast spiritual cun grond’influenza e grond’autoritad en il budissem tibetan) la terra.

[editar] L’influenza da la Gronda Britannia

Durant la fasa dal “Great Game” demussa la Gronda Britannia danovamain interess per il Tibet. Ella tema che la Russia conquistia il Tibet, cunquai che lezza era vi d’extender sia influenza en il nord ed en il sid dal Tibet. Lord George Curzon, il viceretg britannic da l’India, emprova da limitar questa influenza russa cun meds diplomatics. Ma sias emprovas vegnan ignoradas da la regenza tibetana, il 13avel Dalai Lama argumentescha ch’el na dastgia betg ignorar ils Ambans. Sco resposta lantschan ils Brits il november 1903 ina campagna militara per far squitsch. Cura che l’armada britannica cuntanscha ils 29 da fanadur 1904 il flum Tsangpo, vesa il Dalai Lama, quant precara che la situaziun è e fugia en la Mongolia.

Suenter l’occupaziun da Lhasa ils 3 d’avust cumenzan las tractativas dals Brits cun l’Amban e cun ils represchentants tibetans ch’èn restads. En la cunvegna dal settember 1904 vegnan reglads l’avertura dals cunfins ed il commerzi cun il Raj britannic (“Britisch-Indien”) che vegn favurisà. Plinavant vegn fixà ch’il Tibet na dastga betg contractar cun auters pajais senza la lubientscha da la Gronda Britannia. Ina cunvegna cun la China l’onn 1906 repeta questas cundiziuns, quai che fa dal Tibet facticamain in protectorat dals Brits. Quels n’èn dentant mai sa maschadads en fatgs da l’intern.

L’onn 1907 fixescha ina cunvegna tranter l’Engalterra, la China e la Russia la supremazia da la China. Il 1910 tramettan ils Chinais in’expediziun militara per consolidar quest dretg. Il Dalai Lama, strusch enavos da l’exil, fugia danovamain, questa giada en l’India. Pervi da la revoluziun chinaisa, la cupitga da la dinastia Quing e cun quai era la fin da l’imperi en China l’onn 1911, bandunan las truppas chinaisas puspè il Tibet. Il Dalai Lama turna ed arriva il zercladur 1912 a Lhasa. Suenter che las davosas truppas chinaisas èn stgatschadas da Lhasa l’entschatta da l’onn 1913, proclamescha il Dalai Lama ils 14 da favrer 1913 l’independenza formala da Tibet.[4] Cun questa chaschun vegnan era fixads ils simbols exteriurs: la bandiera e l’imni.

Durant ils onns 1920 e 1930 è la China stada dividida entras guerras civilas e distratga pervi da la Segunda guerra sino-giapunaisa. Malgrà quai n’ha la China mai retratg la pretaisa sin il Tibet ed ha era singulas giadas empruvà da trair atras questa pretaisa.

La guerra civila rutta or en China suenter la capitulaziun dal Giapun 1945 fa quitads al Tibet. Il Tibet spedescha tut ils funcziunaris chinais dal pajais e rearmescha l’atgna armada. In appel a las regenzas da la Gronda Britannia, l’India ed ils Stadis Unids da l’America l’onn 1946 na vegn betg exaudì, uschia ch’il Tibet resta politicamain isolà.

[editar] L’occupaziun tras la China

L’october 1949 surprenda la Partida communista chinaisa la pussanza e fundescha la Republica populara da la China sut la direcziun da Mao Zedong. Danovamain nascha la pretensiun dad annectar il Tibet dal “pajais matern” China. Il schaner 1950 annunzia Radio Beijing l’intent da liberar il Tibet dal “giuf imperialistic brit” entras l’Armada populara da liberaziun da China. L’october 1950 cuntanscha l’Armada populara da liberaziun la citad tibetana Chamdo, nua ch’ella frunta be sin pitschna opposiziun. La schuldada tibetana era armada be malamain. In mais suenter la capitulaziun da l’armada tibetana en il Tibet da l’ost entras il guvernatur da Kham, Ngabo Ngawang Jigme, surprenda il 14avel Dalai Lama a Lhasa la regenza dal Tibet – e quai cun 15 onns, trais onns pli baud che usità. Il Tibet appellescha silsuenter a las Naziuns unidas – ma senza success. La Gronda Britannia e l’India refuseschan l’agid pervia dal stadi giuridic dal Tibet betg sclerì.

Ins reprenda puspè las tractativas cun la China. Ils 23 da matg 1951 suttascrivan represchentants da la regenza tibetana in accord da 17 puncts davart la liberaziun paschaivla dal Tibet. Els suttascrivan però sut squitsch politic da Beijing e senza avair la plenipotenza da la regenza per far quai. En questa cunvegna vegn fixada l’integraziun dal Tibet en China. L’autonomia regiunala e la libertad religiusa vegnan garantidas, ma i vegn era segirà ch’il sistem politic existent dal Tibet restia nunmidà. Plinavant duajan vegnir iniziads process da refurma da la regenza tibetana, ma senza squitsch da las autoritads centralas chinaisas.

Trais dis pli tard intervegn la regenza tibetana sur il radio da la suttascripziun e dal cuntegn da questa cunvegna. Cunquai ch’il sistem religius e politic dal Tibet e la posiziun dal Dalai Lama duajan restar nunmidads tenor questa cunvegna, l’approvescha la regenza a Lhasa ils 24 d’october 1951. Paucs dis pli tard sa metta l’Armada populara da liberaziun sin viadi vers il Tibet central. Entaifer paucs mais furma questa armada ina ferma preschientscha militara a Lhasa e correspunda numericamain quasi a la populaziun da Lhasa.

Da quest temp n’emprova la regenza chinaisa betg da midar il sistem social u religius en la nova Regiun autonoma da Tibet. Ma las regiuns da l’ost Kham ed Amdo vegnan tractadas sco mintga autra provinza chinaisa era. La Partida communista emprova là da cuntanscher la refurma agrara cun eriger communas popularas e cun sfurzar ils nomads ad ina stabilitad da dimora. Quai procura però per malcuntentientscha entaifer la populaziun. Ils onns 1950 datti en questas regiuns emprimas revoltas che s’extendan lura era fin il Kham dal vest ed il Ü-Tsang. Il 1955 rebellescha il pievel spontanamain e vegn supprimì cun violenza. Silsuenter s’uneschan differentas gruppas da pievels ad ina rebelliun en tut il pajais.

L’onn 1959, durant il temp dal “Grand Sigl enavant“ (parola da la RPC dal 1858 fin al 1962) en China, tracta l’administraziun chinaisa il Dalai Lama cun ina mancanza da pietad averta. Ils 10 da mars 1959 cumenza a Lhasa la revolta dal Tibet. Suenter ch’il Norbulingka (in palazi e la residenza da stad dal Dalai Lama) è vegnì bumbardà da las truppas chinaisas ils 17 da mars 1959, fugia il Dalai Lama en l’India. Dus dis pli tard entschaivan ils cumbats en la citad, la revolta dal pievel vegn supprimida brutalmain ils 21 da mars. Tenor indicaziuns da Tibetans en l’exil moran passa dieschmilli Tibetans durant quests cumbats.[5] Las “Gardas cotschnas” (gruppaziuns da scolars e students, purtaders da la revoluziun culturala iniziada da Mao Zedong) avevan destruì durant il temp da la revoluziun culturala chinaisa tranter il 1966 ed il 1976 millis da claustras ed auters monuments culturals. Da 6000 tempels èn restads be set. Era tranter il 1987 ed il 1989 hai dà tumults a Lhasa, uschia che las autoritads han proclamà il status d’urgenza. Quai è era capità il mars 2008, durant ils tumults dal 2008 en Tibet.[6]

[editar] Il status dal Tibet

[editar] Remartgas istoricas davart il status dal Tibet

Charta dals cunfins uffizials da la Republica da China (dapi 1912), inclusiv la China continentala, la Mongolia, il Tibet, il Tuva ed il stadi da Kachin.

Fin l’entschatta dal 18avel tschientaner era il Tibet ina regiun senza cunfins fixs, cun in’autonomia interna sut il protecturat mongol. Suenter il declin da la pussanza mongola hai dà “tumults da successiun” en il territori dal Tibet. Pervi da quests tumults declera la China l’onn 1720 il Tibet sco ses protecturat cun cumplaina autonomia interna dal Tibet. Questa construcziun ha tegnì bunamain 200 onns ed era d’avantatg per omaduas varts.

Ils Tibetans eran signurs en l’agen pajais ed eran quasi nundisturbads e tranter els. In’influenza chinaisa devi be en la periferia da l’ost dal Tibet. Fin oz datti là regiuns cun ina gronda quota da populaziun chinaisa Han. Strusch in Chinais da la planira aveva la motivaziun da traversar sur plirs tschient kilometers la cuntrada nunaccessibla dal Tibet. Quellas regiuns eran pauc populadas e mintga viadi en il Tibet era stentus e betg pussibel senza in guid local. Plinavant na devi en il Tibet quasi nagut, cun quai ils Chinais avessan pudì far commerzi e che avess valì la paina da far viadis. Uschia eran be sis esters en il Tibet l’onn 1950 – l’onn da l’invasiun chinaisa en il Tibet facticamain independent (cumpiglia ca. il territori da la Regiun autonoma dal Tibet dad oz). Dus da quels esters eran ils Austriacs de:Heinrich Harrer e de:Peter Aufschnaiter.

L’avantatg dal protecturat dal Tibet era da pudair sclerir che la China aveva pretensiuns da territori fin al crest dal Himalaia. Igl era cler, a partir da nua che pussanzas estras entravan en il territori naziunal da la China ed ina guerra cunter la China na vulevan ils pitschens pajais cunfinants betg cumenzar. Il protecturat sut la China garantiva a la populaziun dal Tibet la protecziun encunter inimis exteriurs e cunquai era la pasch cun quels pajas cunfinants. Pervi da questa constellaziun vegn il Tibet mussà en ils atlas[7] vegls sco part da la China.

La situaziun è sa midada cura che l’armada d’invasiun englaisa cumpara e na respecta betg ils cunfins da la China.

[editar] La relaziun tranter la Republica populara da la China ed il Tibet

  • La regenza tibetana en exil considerescha la preschientscha chinaisa sco in’occupaziun estra. Ella accusa la China d’avair mazzacrà ina part da la populaziun tibetana, d’applitgar la repressiun, da destruir la cultura tibetana e da render chinaisas la cultura e la populaziun tibetana. La regenza tibetana na pretenda betg l’independenza, mabain ina simpla autonomia.
  • La Republica populara da la China considerescha il Tibet sco territori da sia suveranitad e dovra per confirmar quai arguments istorics (protecturat da 1720–1910), politics ed economics (aboliziun da la teocrazia feudala e la modernisaziun dal pajais) e strategics (protecziun da la China). Oz datti blers u schizunt dapli (dependa da la funtauna, guarda era: Populaziun) Chinais Han che Tibetans en il Tibet, quai che renda in’autonomia anc main pussibla.

[editar] Il status dal Tibet tenor la China

Tenor l’opiniun da la regenza chinaisa-continentala è il Tibet dapi plirs tschient onns ina part fixa da la China. La China pretenda ch’il 13avel Dalai Lama Thubten Gyatso haja empruvà l’onn 1894 cun agid dals imperialists brits da separar il Tibet da la China. Lura è l’administratur da l’imperatur chinais vegnì stgatschà dal Dalai Lama or dal Tibet.[8] La Gronda Britannia sco pussanza coloniala era preschenta militarmain en China ed ha sustegnì politicamain la separaziun, quai che ha sfurzà la regenza chinaisa da star calma. La decleraziun d’independenza da l’onn 1913 è tenor la China mai stada valaivla tenor il dretg internaziunal public, perquai ch’ella è mai vegnida acceptada ni da la China ni dad in auter stadi. Cun tschessentar l’influenza estra sin il Tibet (1950) e cun l’accord en 17 puncts (1951) saja il stadi tradiziunal puspè vegnì restabilì.

[editar] Il status dal Tibet tenor la regenza tibetana en exil

Bandiera da la regenza tibetana en exil. Questa bandiera è scumandada en la Republica populara da la China.

La regenza tibetana en exil punctuescha ch’il Tibet saja stà in pajais independent, cura che l’Armada populara da liberaziun è entrada en il pajais. Plinavant cuntrafetschian l’invasiun militara e l‘occupaziun constanta al dretg internaziunal public ed al dretg d’autodeterminaziun. Il Tibet na saja betg – sco quai che la RPC pretendia – dapi 700 onns ina part da la China; il Tibet saja be stà durant curts temps sut l’influenza dals Mongols u dals Mandschus, dentant mai sut l’influenza dals Chinais Han.

L’accord en 17 puncts davart la liberaziun paschaivla dal Tibet n’è betg valaivel tenor ils Tibetans, perquai ch’ils delegads tibetans al hajan suttascrit sut squitsch militar da la China. Plinavant vegn rinfatschà a la China da na betg avair resguardà l’autonomia interna e la libertad religiusa ch’eran garantidas en l’accord.

Ils 21 da settember 1987 fa il Dalai Lama ina nova proposta davart l’avischinaziun a la China en furma dad in program da pasch en tschintg puncts.[9]

  1. transfurmar l’entir Tibet, inclus las provinzas da l’ost Kham ed Amdo, en ina zona senza violenza
  2. renunziar a la politica da la China da translocar la populaziun
  3. respectar ils dretgs umans e las libertads democraticas dal pievel tibetan
  4. restabilir e proteger l’ambient dal Tibet
  5. reprender tractativas seriusas davart il status futur dal Tibet sco era davart las relaziuns tranter il pievel da la China e dal Tibet
Vopna/sigil da la regenza tibetana en exil e dal Tibet avant l’occupaziun tras la China

La regenza chinaisa ha refusà quest plan ils 17 d’october 1987 ed ha inculpà il Dalai Lama dad engrondir il foss tranter el e la regenza chinaisa. In dialog cun il Dalai Lama vegnia be en dumonda, sche quel desistia da pretender l’independenza dal Tibet. Per quai stoppia el renconuscher en ina decleraziun publica che Tibet e Taiwan sajan parts inseparablas dal territori chinais e che la Republica populara da la China saja la suletta regenza legitima.

[editar] Il status dal Tibet ord vista internaziunala

[editar] Da la Germania

Il status da dretg internaziunal public dal Tibet è fitg discutà. En accordanza cun la communitad internaziunala considerescha la regenza federala tudestga sin plaun politic il Tibet sco part da l’associaziun da stadis da la China.[10] Quai fiss er il cas, sch’il Tibet avess gì ademplì en sia istorgia da bleras midadas las premissas per in stadi independent. La Germania sustegna dentant la pretensiun dad autonomia – oravant tut en il champ cultural e religius – sco expressiun adequata per il dretg d’autodeterminaziun dal pievel tibetan. Contacts cun il Dalai Lama datti be en sia funcziun sco manader religius.[11]

Insaquantas funtaunas interpreteschan autramain la dumonda dal dretg internaziunal public. Il Bundestag remartga l’onn 1996 cun ina gronda maioritad la supressiun violenta dal Tibet e la politica da repressiun da la China:

Entschavend cun las acziuns militaras inumanas dapi l’invasiun da la China l’onn 1950 cuzza la suppressiun violenta da Tibet e sias stentas per autodeterminaziun politica, etnica, culturala e religiusa fin al di dad oz. La politica da repressiun cuntinuada da la China en il Tibet chaschuna violaziuns gravantas dals dretgs umans, destrucziun da l’ambient sco era massivs dischavantatgs economics, socials, giuridics e politics per la populaziun tibetana e la finala era la sinisaziun dal Tibet. [12]

Dapi il matg 1995 datti en il Bundestag tudestg cun la gruppa da discussiun da Tibet era in gremi or da las diversas fracziuns che s’occupa da la problematica dal Tibet. L’onn 1998 conferma Joschka Fischer, il minister da l’exteriur da quel temp, l’appartegnientscha dal Tibet a la Republica populara da la China. El declera ch’il Tibet vegnia considerà sco part integrala da la China e che tut ils sforzs d’independenza vegnian taxads sco separatissem e na vegnian betg sustegnids. [13].

[editar] Da l’Uniun europeica

Dapi l’onn 1987 ha il Parlament europeic publitgà diversas resoluziuns pertutgant il Tibet. Repetidamain condemnescha il Parlament la violaziun dals dretgs umans e da la libertad religiusa entras las autoritads chinaisas.[14]

En la resoluziun dals 15 da december 1992 explitgescha il Parlament europeic ch’il pievel tibetan saja in pievel en il senn dal dretg internaziunal public e ch’el haja il dretg da l’autodeterminaziun. Plinavant crititgescha il Parlament l’occupaziun militara dal Tibet entras las truppas chinaisas ed exprima sia preoccupaziun en vista a la periclitaziun da l’“identitad naziunala” dal pievel tibetan.[15]

[editar] Dals Stadis Unids da l’America

Il senat dals Stadis Unids deliberescha ils 23 da matg 1991 ina resoluziun. Tenor quella furma il Tibet, inclus las regiuns ch’èn vegnidas incorporadas en las provinzas chinaisas, in pajais occupà. Ils vairs represchentants da quest pajais sajan il Dalai Lama e la regenza tibetana en exil. La regenza chinaisa è sinaquai vegnida supplitgada da retrair sias truppas dal Tibet.[16]

[editar] Da l’India

Ils 13 d’avrigl 2005 han l’India e la China fatg plirs contracts da collavuraziun. Tranter auter tractan quels er ina decleraziun cuminaivla davart ils cunfins acceptads vicendaivlamain. Da principi vegn la lingia d’armistizi che deriva da la guerra da cunfins dal 1962 renconuschida sco cunfin cuminaivel. China desista explicitamain da pretensiuns en il sid da la lingia da McMahon (stadi da Arunachal Pradesh) ed en autras regiuns. L’India renconuscha la suveranitad da la China en il nord da questa lingia, en la regiun autonoma chinaisa dal Tibet e sin il plateau dad Aksai Chin.

[editar] Da la Republica da China (Taiwan)

La posiziun da la Republica da China (Taiwan) envers il Tibet è vegnida descritta en in pled d’avertura al simposi internaziunal dals dretgs umans en il Tibet (International Symposium on Human Rights in Tibet) ils 8 da settember 2007 da ses president Chen Shui-bian:[17]

Durant la conferenza d’inauguraziun da la fundaziun per il scomi da Taiwan-Tibet l’onn 2003 hai jau annunzià nossa nova politica ed accentuà che la regenza taiwanaisa na considereschia betg pli ditg il pievel da la regenza tibetana en exil sco pievel chinais. Enstagl vegnin nus a tractar separadamain nossas relaziuns cun il Tibet e la China sut questa nova vista davart il Tibet.

Plinavant empermetta el ses sustegn per scadina proposta dal Dalai Lama per schliar il problem dal Tibet.

[editar] Cultura

[editar] Medischina tibetana tradiziunala

La medischina tibetana tradiziunala è ina da las pli veglias medischinas dal mund. Ella utilisescha fin duamilli sorts da plantas e tschuncanta minerals. Ina da las persunas-clav en il svilup da questa medischina era il medi Yutok Yonton Gonpo (8avel tschientaner) che ha scrit ils Quatter tantras medicinals cun integrar la materia da las tradiziuns medicinalas da la Persia, da l’India e da la China. Ils tantras cumpiglian in total da 156 chapitels en furma da Tangkas (ovras d’art religiusas). Questa medischina tibetana arcaica vegn en general applitgada dals lamas, sco a Xianggelila.

Il descendent da Yutok Yonten Gonpo ha lura amplifitgà questa tradiziun ed agiuntà 18 lavurs da medischina. In da ses cudeschs includa maletgs dad ossa rutta ed el ha era fatg ina seria da maletgs anatomics dals organs interns.

[editar] Religiun

[editar] Budissem tibetan

La spiritualitad è extremamain impurtanta per ils Tibetans. Il Tibet è il center dal budissem tibetan, ina furma dal Vajrayana che è medemamain collià al Shingon, la tradiziun budistica en il Giapun. Il budissem en il Tibet è sa sviluppà l’emprim il 8avel tschientaner e suenter a partir dal 11avel tschientaner en quatter grondas scolas budisticas (Nyingma, Kagyü, Sakya e Gelug). Il manader mundan actual dal Tibet è il 14avel Dalai Lama che viva en exil en l’India. A medem temp è el in dals pli impurtants represchentants dad ina scola Mahayana (Gelug). Il budissem tibetan na vegn betg mo pratitgà en il Tibet, mabain er en la Mongolia, en la Republica da Buriazia (Sibiria), en il Tuva (Sibiria), en la Republica da Calmucchia (Russia dal sid) e tar ils Mandschus, in pievel en il nordost da la China. [18], [19], [20], [21] Fin il 8avel tschientaner, cura ch’il budissem è arrivà en il pajais, era il Bön la religiun dals Tibetans. Omaduas religiuns – il budissem tibetan ed il Bön – èn s’influenzadas vicendaivlamain.

In dals rituals funerals ils pli pratitgads dals Tibetans è la sepultura da l’aria, nua ch’il defunct vegn surdà als tschess. Per els è quai insatge tuttavia natiral da surdar il corp en quella moda a la natira. L’olma è en il mument da la sepultura tuttina gia sa separada dal corp.

Il palazi da Potala, l’anteriura residenza dal Dalai Lama fin a sia fugia dal 1959, fa part dal patrimoni mundial da l’UNESCO, sco era il palazi Norbulinka, l’anteriura residenza da stad dal Dalai Lama. Durant l’invasiun chinaisa dal 1949 e la Revoluziun culturala dal 1960 èn divers lieus istoricamain signifitgants dal Tibet vegnì destruids parzial- u totalmain.

[editar] Islam

En las citads dal Tibet existan era pitschnas communitads muslimas, sco p.ex. ils Kachee. Lur origins tanschan enavos als immigrants da trais regiuns principalas: il Kashmir (Kachee Yul en tibetan vegl), il Ladakh ed ils pajais tircs da l’Asia Centrala. L’influenza islama en il Tibet deriva era da la Persia.

Suenter il 1959 ha ina gruppa da Muslims tibetans giavischà la naziunalitad indica sin basa da lur ragischs istoricas en il Kashmir e la regenza da l’India ha declerà tut ils Tibetans muslims sco burgais da l’India.[22]

Igl exista er ina communitad muslima chinaisa bain etablida (gya kachee). L’origin da quella tanscha enavos tar il pievel Hui (ina gruppa etnica chinaisa cun la religiun muslima).

[editar] Art tibetan

L’art tibetan è collià stretgamain cun il budissem tibetan: quai explitgescha er il fatg che las ovras represchentan en general divinitads budisticas en diversas furmas sco p.ex. statuas da bronz dorà e mandalas da sablun colurà. L’art da las statuettas da bronz dorà vegn era numnà art sino-tibetan.

[editar] Architectura

Tur cun gronda roda d’oraziun, a Zhongdian

L’architectura religiusa tibetana ha gì influenzas orientalas ed indicas ed exprima fermamain l’orientaziun al budissem. La roda budistica cun dus draguns ves’ins vi da quasi mintga claustra dal Tibet. Las chasas e las claustras vegnan savens construidas en lieus elevads e suleglivs cun vista vers sid. Il material da construcziun è per il pli ina maschaida da crappa, da laina, da cement e da terra. La tecnica da construcziun permetta da spargnar il material dad arder ch’è ina chaussa rara: ils tetgs plats mantegnan en l’intern la chalira e las fanestras multiplas laschan entrar il sulegl. Las paraids èn generalmain inclinadas per diesch grads vers l’interiur sco precauziun encunter ils frequents terratrembels en questa regiun muntagnarda.

Il palazi da Potala

Cun 117 meters autezza e 360 meters largezza è il Palazi da Potala considerà sco l’exempel il pli impurtant da l’architectura tibetana. Pli baud era el la residenza dal Dalai Lama. Il palazi consista da passa milli stanzas en tredesch auzadas e cuntegna maletgs dals ultims Dalai Lamas e statuas da Buda. El è dividì en in Palazi Alv exteriur cun ils quartiers administrativs ed en ils Quartiers Cotschens interiurs che dattan albiert a la sala da reuniun dals Lamas, las chapluttas, 10’000 sanctuaris ed ad ina gronda biblioteca cun las scrittiras budisticas. I dat er in “potala pitschen”, a Zhongidan en ils sidost da Tibet, en la provinza da Yunnan en la regiun autonoma da Xianggelila.

[editar] Musica

La musica tibetana reflectescha l’ierta culturala da la regiun dal Himalaia, centrada sin il Tibet, ma era sin las regiuns nua ch’ins chatta las gruppas etnicas tibetanas: en l’India, il Bhutan, il Nepal sco era en l’ester. Ella è surtut musica religiusa che mussa la profunda influenza dal budissem tibetan sin la cultura.

La musica tibetana en furma da chants en tibetan u en sanscrit è part integrala da la religiun. Ils chants cumplexs, savens recitaziuns da texts sacrals, vegnan era preschentads a chaschun da divers festivals. Il chant da yang, perfurmà senza coordinaziun metrica, è savens accumpagnà da tamburs e d’in bufatg murmurar. I dat stils specifics en diversas scolas dal budissem tibetan, sco p.ex. la musica classica populara dals Gelugpa e la musica romantica dals Nyingmapa (la pli veglia scola dal budissem tibetan), dals Sakyapa e dals Kagyupa.

La musica da Nangma è spezialmain populara en bars da karaoke en il center urban da Tibet, a Lhasa. In’autra furma da musica populara è il stil classic gar che vegn duvrà per ritus e ceremonias. Lu è ina sort da chanzuns che cuntegnan vibraziuns gutturalas e gizzas. I dat era chants epics dad eroxs dal Tibet, sco p.ex. l’epos da Gesar de Ling.

[editar] Festivals

Pelegrins davant la claustra da Jokhang a chaschun dal festival da Monlam

Durant l’entir onn datti divers festivals en il Tibet, per il pli organisads en onur da Buddha. Losar è il festival da l’onn nov en il Tibet; el vegn suandà dal festival da l’oraziun Monlam che ha lieu durant l’emprim mais da l’onn chalendari tibetan. Tar quest festival s’inscuntran blers Tibetans per ballar, sa participar ad eveniments sportivs e far picnics ensemen. Quest festival è vegnì fundà l’onn 1049 da Tsong Khapa, il fundatur da l’urden dal Panchen Lama e dal Dalai Lama.

[editar] Cuschina

La bavronda principala dals Tibetans e il té da paintg salà. Quest té gida a mantegnair la temperatura dal corp en quellas cundiziuns climaticas extremas, cunquai ch’el cuntegna bler protein e grass. Té da paintg è ina bavronda fitg populara ed i vegn ditg che blers Tibetans baivian fin 100 scadiolas al di. La planta cultivada la pli impurtanta en il Tibet è il dumiec. La pasta fatga da farina da dumiec e té da paintg chaud, numnada tsampa, è il nutriment principal dals Tibetans. Questa pasta vegn u preparada sco tagliarins u sco gnocs, numnads momos. Tratgas da charn èn fatgas surtut cun charn da yak, chaura u nursa, savens setgentada u cuschinada ad in fratem cun tartuffels. Sems da mustarda èn cultivads en il Tibet e vegnan perquai er utilisads fitg savens en questa cuschina. Savens mangian ins jogurt, paintg e chaschiel da yak; in bun jogurt vegn considerà sco insatge luxurius.

[editar] Il Tibet en la cultura populara

Ils ultims onns èn vegnids producids divers films davart il Tibet; oravant tut films da Hollywood sco en: Seven Years in Tibet cun Brad Pitt sco persuna principala, de: Heinrich Harrer, l’alpinist austriac; u de: Kundun, ina biografia dal 14avel Dalai Lama. Omadus films èn vegnids scumandads da la regenza chinaisa pervia da las allusiuns naziunalisticas tibetanas. Auters films èn per exempel de: Samsara, de: Spiel der Götter – Als Buddha den Fussball entdeckte / Phörpa u de: Himalaya – Die Kindheit eines Karawanenführers. L’onn 2005 han Tenzing Sonam, in reschissur tibetan en l’exil, e Ritu Sarin fatg il film en: Dreaming Lhasa, l’emprim film dramatic renconuschì internaziunalmain per sortir da la diaspora ed intercurir la realitad actuala dal Tibet. en: Kekexili: Mountain Patrol è in film dal National Geographic che raquinta dad in schurnalist chinais che va en il Tibet per rapportar davart l’antilopa tibetana periclitada. Il film ha gudagnà numerus premis en l’agen pajais ed ordaifer. L’onn 1995 ha ina gruppa da musica electronica da la Gronda Britannia en:Banco de Gaia edì l’album Last Train to Lhasa che è deditgà a la musica dal Tibet e che cuntegna blers extracts dals chants tibetans.

[editar] Economia

[editar] Secturs economics

[editar] Agricultura ed allevament da muvel

Tenda dals nomads durant lur viadi la stad

La gronda part da la populaziun tibetana lavura en l’agricultura. Passa 85% da la populaziun tibetana èn purs e pasturs.[23] Entras la politica dals onns ’70 ed ’80 datti in augment da la populaziun tar ils pasturs tibetans e cun quai era dapli animals che donnegian las steppas, cunquai che la surfatscha na sa betg vegnir engrondida. Per garantir vinavant ina qualitad da las steppas, vegnan tschertgadas plazzas da lavur alternativas en las citads per ina part dals allevaturs da muvel.[24] En il rom da quest program è vegnì decidì il settember 2007 che 100’000 persunas stoppian bandunar enfin l’onn 2010 lur patria per prender domicil en las citads. Pertutgads èn ils nomads che abiteschan en las spundas da las parts sura dals gronds flums en la provinza dal nord Qinghai. [25]

[editar] Turissem

Il sectur economic dal turissem sa chatta en in ferm svilup. L’onn 2004 han passa 1.2 milliuns turists visità Tibet, da quels bunamain 100’000 esters.

In factur impurtant per il turissem è la lingia da viafier Qingzang che vegn era numnada la viafier da Lhasa. Cun la viafier da Lhasa datti dapi l’onn 2006 ina colliaziun cun il tren tranter Beijing e Lhasa cun in temp da viadi da 48 uras.[26] L’onn 2007 è il dumber da turists en la Regiun autonoma da Tibet creschì per 60.4% sin 4.02 milliuns. Per l’onn 2008 spetgan ins in ulteriur augment da 25%.[27] La pli impurtanta attracziun turistica da Lhasa, il Potala, sa vegnir visità be dad ina pitschna part dals turists a Lhasa. Per proteger las construcziuns d’arschiglia e da lain dal Potala è il dumber da visitaders limità a 2300 al di.[28] Ma tschertins èn da l’avis che era quest dumber saja memia aut.

En la Regiun autonoma da Tibet vivan oz tenor retschertgas uffizialas passa 30’000 Tibetans dal turissem. [29]

Critichers dubitan dentant ch’il progress economic dal turissem arrivia era fin tar la populaziun tibetana. Uschia èn per exempel tschient guids da viadi tibetans vegnids relaschads l’onn 2003 e vegnids remplazzads cun guids chinais.[30] Cunquai che la scolaziun e furmaziun manca, èn las bleras plazzas da lavur en il sectur turistic nuncuntanschiblas per ils Tibetans. A quels che han fatg lur scolaziun en l’exil vegn refusà la lavur sco guid turistic.[31] Tenor ina stimaziun eran l’onn 1995 75% da las fatschentas a Lhasa en possess chinais e passa 90% dals martgadants sin il martgà eran Chinais.[32]

[editar] Industria da minieras

L’industria da minieras duai daventar la terza pitga en l’economia da Tibet. Tibet posseda en ses terren stgazis sco: crom, arom, magnesit, bor, plum, aur, petroli, fier, lithium, caliumclorid, aluminium, zinc ed auter. Anc uss vegn explotà be pauc, ma in punct principal dal plan da tschintg onns da la regenza a Beijing è da promover l’explotaziun.[33] Il schaner 2007 communitgescha la regenza ch’ins haja chattà gronds giaschaments da minerals betg lunsch davent da la viafier da Lhasa.[34] Critichers teman dentant che l’explotaziun da questas minas pudessan donnegiar il sistem ecologic dal Tibet.[34]

[editar] Auters secturs industrials

Las industrias cun materia primara e cun material da construcziun vegnan era promovidas. In sectur industrial pli pitschen èn products manuals tradiziunals, sco tarpuns, Pulu (taila da launa tessida a maun) ed artisanadi.

[editar] Creschientscha economica

Dapi il 1999 vegn il svilup economic en il Tibet sustegnì dal “Great Western Development Plan”. Quest program è vegnì stgaffì per – suenter ils success economics en las provinzas a las rivas – sustegnair las regiuns en il vest da la China che èn restadas enavos economicamain. In element impurtant da quest plan è la construcziun dad ina meglra infrastructura.[35]

[editar] Traffic

Viafier da Lhasa che collia la provinza Qinghai cun Lhasa. Sin quest tschancun sa chatta era la staziun la pli auta dal mund: Tanggula, 5’068 m.

En la Regiun autonoma da Tibet datti passa 20’000 km via. Ma tuttina n’è anc passa in terz da tut ils vitgs betg collià cun ina via. Per il traffic da transit da Tibet datti en direcziun nord-sid duas vias, ina da quellas è la via Qinghai-Tibet. En direcziun ost-vest datti trais vias da transit, per exempel la via Sichuan-Tibet.[36]

L’onn 2001 han ins cumenzà cun la construcziun da la viafier da Lhasa davent da Golmud al cunfin dal nord dal Tibet fin a Lhasa. Fin qua (stadi 2007) è ella la viafier la pli auta dal mund cun in passadi sur in pass da 5’072 m autezza. Per part è la viafier vegnida construida sin terren da schelira permanenta e maina era tras regiuns da terratrembels. Sco emprima amplificaziun vegn actualmain construì il traject da colliaziun da 300 km tranter Lhasa e Xigaze, la segund gronda citad dal Tibet. Quest traject duai esser terminà l’onn 2010.[37]

La regenza chinaisa sco er ina gronda part dals Chinais Han considereschan la viafier da Lhasa per ina gronda prestaziun dal stadi chinais – tant per sviluppar l’economia dal Tibet sco era per augmentar il bainstar da la populaziun tibetana. Auters èn dentant da l’opiniun che l’identitad religiusa, culturala e linguistica dal Tibet saja periclitada entras la viafier da Lhasa.

Eroports internaziunals èn l’eroport da Bangda, Linzhi Airport e l’eroport da Lhasa.

[editar] Ecologia

Ils onns 1950 cumenza in grond tagl cumplet en ils guauds da Tibet, oravant tut en l’ost dal pajais. Nundumbraivels transports da lain da Tibet bandunan las regiuns, per il pli vers la China centrala. Las consequenzas èn erosiuns massivas sco er in auzament dal nivel da l’aua en ils flums, quai che maina ad inundaziuns.[38] Per evitar ulteriurs donns d’ambient han ins reducì tranter il 1990 ed il 2002 la quantitad da tagl da lain da 210’000m3 sin 50’000m3. A medem temp han ins lantschà in program dad emplantar guaud che cuntinuescha anc adina.[39]

In ulteriur problem è svilup da la populaziun dal Tibet. En ils 50 onns passads è la populaziun sa dublegiada. Cunquai che la populaziun è era daventada in zic pli bainstanta, è la producziun da charn da Tibet sa quadruplitgada tranter 1978 e 2003.[40] Ils nomads en las steppas dal Tibet possedan dapli animals. Cunquai che la surfatscha da pascular na sa lascha betg extender, datti concurrenza e surpasculaziun. Per ils nomads ston vegnir creadas novas pussaivladads da viver en las citads per uschia savair distgargiar las steppas.[24]

[editar] Vesair era

[editar] Annotaziuns

  1. ↑ La regenza tibetana en exil: Transfer da la populaziun e controlla. 2 da favrer 1996 (engl.)
  2. ↑ La regenza tibetana en exil: Tibet en exil en in’egliada. Sa basond sin ina retschertga demografica da 1998, Planning Council, Dharamsala (engl.)
  3. ↑ Tibet – Die Geschichte meines Landes. Der Dalai Lama im Gespräch mit Thomas Laird, Scherz-Verlag, ISBN 978-3-502-15000-8
  4. ↑ Tibet Justice Center: „Proclamation Issued by His Holiness the Dalai Lama XIII“. 1913 (engl.)
  5. ↑ La regenza tibetana en exil: „National Uprising“, revolta naziunala. 1996 (engl.)
  6. ↑ Gronds tumults en Tibet, India e Nepal: [1] (tud.)
  7. ↑ Diercke Schulatlas, George Westermann Verlag, 1914, pagina 26–27,
  8. ↑ DTV-Lexikon in 20 Bänden, avrigl 1974, ISBN 3-423-03070-4
  9. ↑ Tibet Justice Center: „Five Point Peace Plan“. 21 da settember 1987 (engl.)
  10. ↑ En tut ils cas, nua che la regenza federala ha renconuschì ina regiun sco part dad in stadi, n’ha ella da principi betg renconuschì ina regenza en exil da questa regiun.
  11. ↑ Novità da „Heute im Bundestag“: „Regierung unterstützt tibetischen Anspruch auf Autonomie“. 3 d’avust 2004
  12. ↑ „Die Menschenrechtssituation in Tibet verbessern“, meglierar la situaziun dals dretgs umans en Tibet, resoluziun dal Bundestag tudestg, 1996, Bundestagsdrucksache 13/4445 23-04-1996 „Beginnend mit den unmenschlichen Militäraktionen seit dem Einmarsch Chinas im Jahr 1950, dauert die gewaltsame Unterdrückung Tibets und seines Strebens nach politischer, ethnischer, kultureller und religiöser Selbstbestimmung bis heute an. Die fortgesetzte Repressionspolitik Chinas in Tibet hat schwere Menschenrechtsverletzungen, Umweltzerstörungen sowie massive wirtschaftliche, soziale, rechtliche und politische Benachteiligungen der tibetischen Bevölkerung und letztlich die Sinisierung Tibets zur Folge.“
  13. ↑ Joschka Fischer davart il status da Tibet [2]
  14. ↑ Tibet Justice Center: [http://www.tibetjustice.org/materials/ep/index.html European Parliament: Resolutions on Tibet (engl.)
  15. ↑ Tibet Justice Center: „European Parliament Motion on Tibet“. 1992 (engl.)
  16. ↑ Tibet Justice Center: „Congressional Concurrent Resolution“. 1991 (engl.)
  17. ↑ http://www.president.gov.tw/en/prog/news_release/print.php?id=1105499543 „During the inauguration conference of the Taiwan-Tibet Exchange Foundation in 2003, I announced our new policy and emphasized that the Taiwan government will no longer treat people of the Tibetan government-in-exile as Chinese people. Instead, we will handle our relations with Tibet and China separately under this fresh perspective on our relations with Tibet.”
  18. ↑ Mandchous Avant la fundaziun da la dinastia Qing avevan ils Mandschus ed ils Mongols creà ina allianza politica. Grazia a quella è la cardientscha dals Mongols – il lamaissem (il budissem tibetan) – sa derasà spert tar ils Mandschus. (franz.)
  19. ↑ «中国的亚洲内陆边疆 » 喇嘛教与满族势力在蒙古的兴起(17与18世纪)
  20. ↑ Histoire du Tibet da Laurent Deshayes, pagina 151. Il budissem (tibetan) è bain integrà en la populaziun dals Mandschus. Dapi la mesadad dals onns 1620 expriman lur manaders fermamain ch’els veglian in patrunadi sur ils territoris mongolics, dals quals ils blers èn convertids entras muntgs tibetans.
  21. ↑ Le Lama et L'Empereur, pagina 43-44. ...Abahai lascha construir l’onn 1636 in tempel budistic a Moudken, la chapitala da ses giuven reginavel. El fa da savair ch’el giavischia dad unir ils pievels nomads mongols e quels da l’Asia centrala e ch’el veglia daventar il nov patrun dal budissem. Il medem onn mida el il num da la dinastia fundada da Nurhaci (Jin) en Daqing (grond Qing). El sa metta en relaziun cun ils Gelugpa. ... Il successur da Shunzhi, Kangxi, è gist uschè fitg intgantà dal budissem sco ses predecessur, sche betg dapli...
  22. ↑ Masood Butt, 'Muslims of Tibet', The Office of Tibet, schaner/favrer 1994 (engl.)
  23. ↑ Portal uffizial da la regenza chinaisa: Politica da populaziun, 2005 (tud.)
  24. ↑ 24.0 24.1 Andreas Gruschke: Nomaden ohne Weide?, Eurasisches Magazin, 2006 (tud.)
  25. ↑ Volksblatt von Liechtenstein: 100 000 tibetische Nomaden sollen in Städte umgesiedelt werden, october 2007 (tud.)
  26. ↑ Colliaziun da tren tranter Lhasa e Beijing [3] (tud.)
  27. ↑ Turissem en Tibet [4], China Tibet Information Center, 2007 (engl.)
  28. ↑ Protecziun dal Potala [5] Radio China, fanadur 2007 (tud.)
  29. ↑ China Radio International: Millis da purs e pasturs occupads en il turissem, 2005 (tud.).
  30. ↑ International Campaign for Tibet: Tibetans en l’industria da turissem da la Regiun autonoma da Tibet vegnan controllads adina pli severamain, 2003 (tud.)
  31. ↑ Tibet: A Human Development and Environment Report Chapter7: Tourism and Tibetan Culture, 2007 (engl.)
  32. ↑ Tibet: A Human Development and Environment Report Chapter3: Unemployment and Social Exclusion, 2007 (engl.)
  33. ↑ Portal uffizial da la regenza chinaisa: Industria e fatgs da construcziun, 2005 (tud.)
  34. ↑ 34.0 34.1 chattà custaivlas materias primas per lung da la viafier da Lhasa (tud.), 2007 (tud.)
  35. ↑ Official China Development Gateway: Introducziun en l’implementaziun da la strategia da “Great Western” en China (engl.)
  36. ↑ Ambassada da la Republica populara da la China en Svizra: Stradun a la fortuna, 2004 (tud.)
  37. ↑ Viafier a Xigaze[6], 2007
  38. ↑ Tibet Initiative Deutschland e.V.: Rapport da l’ambient Tibet 2000, 2000 (tud.)
  39. ↑ Portal uffizial da la regenza chinaisa: Protecziun da resursas da guaud natiral, 2005 (tud.)
  40. ↑ Tibet: Fatgs e cifras[7] (tud.)

[editar] Litteratura

[editar] tudestg

  • Jürgen C. Aschoff: Tibet, Nepal und der Kulturraum des Himalaya (mit Ladakh, Sikkim und Bhutan). Kommentierte Bibliographie deutschsprachiger Bücher von 1627 bis 1990 (Aufsätze bis zum Jahre 1900). Garuda Verlag, Dietikon/Schweiz 1992, ISBN 3-906139-07-7
  • Melvyn C. Goldstein & Cynthia M. Beall: Die Nomaden Westtibets. DA-Verlag, Nürnberg 1991, ISBN 3-922619-11-8
  • Tenzin Choedrak: Der Palast des Regenbogens. 3. ediziun. Insel Verlag, Frankfurt am Main 1999, ISBN 3-458-16972-5
  • Andreas Gruschke: Tibet, Weites Land auf dem Dach der Welt. Schillinger Verlag, Freiburg 1993, ISBN 3-89155-144-4
  • Andreas Gruschke: Demographie und Ethnographie im Hochland von Tibet, en: Geographische Rundschau, 49 (1997), Heft 5, p. 279-286
  • Andreas Gruschke: Mythen und Legender der Tibeter. Diederichs, München 1996, ISBN 3-424-01309-9
  • Andreas Gruschke: Die heiligen Stätten der Tibeter. Diederichs, München 1997, ISBN 3-424-01377-3
  • Stephan Haas: Die Tibetfrage – Eine Analyse der Gründe und der Rechtmäßigkeit des chinesischen Einmarsches in Tibet 1950/51. Lit Verl., Münster 1997, ISBN 3-8258-2872-7
  • Heinrich Harrer: Sieben Jahre in Tibet – Mein Leben am Hofe des Dalai Lama. Ullstein, Berlin, 1953, ISBN 3-548-35753-9
  • Michael Henss: Tibet. Die Kulturdenkmäler. Atlantis Verlag, Zürich 1981, ISBN 3-7611-0626-2
  • Catherine Hool: Die chinesische Tibetpolitik. Verlag Peter Lang, Bern 1989, ISBN 3-261-03981-7
  • Wulf Köpke & Bernd Schmelz (Hg.): Die Welt des Tibetischen Buddhismus. Mitteilungen aus dem Museum für Völkerkunde Hamburg, Neue Folge, Band 34, Hamburg 2005, ISBN 3-9809222-4-3
  • Karénina Kollmar-Paulenz: Kleine Geschichte Tibets. Verlag C.H.Beck, München 2006, ISBN 3-406-54100-3
  • Peter-Hannes Lehmann und Jay Ullal: Tibet, das stille Drama auf dem Dach der Erde. 7. ediziun. Gruner und Jahr, Hamburg 2000, ISBN 3-570-01721-4
  • Klemens Ludwig: Tibet. Eine Länderkunde. Beck, München 2000, ISBN 3-406-46224-3
  • Gerald Schmitz: Tibet und das Selbstbestimmungsrecht der Völker. Gruyter, Berlin 1998, ISBN 3-11-016109-5
  • Giuseppe Tucci: Die Religionen Tibets. en: G. Tucci & W. Heissig, Die Religionen Tibets und der Mongolei. Stuttgart-Berlin-Köln-Mainz 1970, pp. 5-295, ISBN 3-17-071152-0
  • Thomas Weyrauch: Gepeinigter Drache – Chinas Menschenrechte im Spätstadium der KP-Herrschaft. 2. ediziun, Longtai-Verlag, Heuchelheim 2006, ISBN 3-938946-00-8
  • Gerhardt W. Schuster: Das Alte Tibet: Geheimnisse und Mysterien, Insel Verlag, Frankfurt 2002, ISBN 3-458-34505-1

[editar] englais

  • Li An-che: History of Tibetan Religion. A Study in the Field. New World Press, Beijing 1999, ISBN 7-80005-225-7
  • Christopher Beckwith: The Tibetan Empire in Central Asia. A History of the Struggle for Great Power among Tibetans, Turks, Arabs, Chinese during the Early Middle Ages. Princeton University Press, Princeton-New Jersey 1987, ISBN 0-691-02469-3
  • Victor Chan: Tibet Handbook. Avalon Travel Publishing, California 1994, ISBN 0-918373-90-5 (A Pilgrimage Guide)
  • Dung-Dkar Blo-Bzang Phrim-Las: The Merging of Religious and Secular Rule of Tibet. Foreign Languages Press, Beijing 1993, ISBN 7-119-00672-X.
  • Melvyn C. Goldstein: A History of Modern Tibet, 1913-1951. University of California Press, 1991, ISBN 0-520-07590-0
  • Melvyn C. Goldstein: A History of Modern Tibet, Volume 2: The Calm Before the Storm: 1951-1955, University of California Press 2007 ISBN 978-0520249417
  • Melvyn C. Goldstein: The Snowlion and the Dragon: China, Tibet and the Dalai Lama. Berkeley: University of California Press. 1997. ISBN 0-520-21951-1
  • Melvyn C. Goldstein, William Siebenschuh, and Tashi Tsering. The Struggle for Modern Tibet: The Autobiography of Tashi Tsering. Armonk, NY: M.E.Sharpe, Inc. 1997.
  • A. Tom Grunfeld: The Making of Modern Tibet. University of California Press, London-Delhi 1987, ISBN 0-520-21951-1
  • Andreas Gruschke: The Cultural Monuments of Tibet’s Outer Provinces: Amdo. 2 Bände. White Lotus Press, Bangkok 2001, ISBN 3-89155-311-0
  • Andreas Gruschke: The Cultural Monuments of Tibet’s Outer Provinces: Kham. 3 Bände. White Lotus Press, Bangkok 2004 ff. ISBN 974-480-049-6
  • Jin Hui: Social History of Tibet, China: Documented and Illustrated. Intercontinental Press, Beijing 1995, ISBN 7-80113-022-7
  • Wáng Jiāwěi 王家伟, Nyima Gyaincain (Nyi-ma rGyal-mtshan / Nímǎ Jiānzàn 尼玛坚赞): The historical status of China's Tibet (Zhōngguó Xīzàng de lìshǐ dìwèi 中国西藏的历史地位), Beijing, China Intercontinental Press / Wǔzhōu chuánbō chūbǎnshè 北京五洲传播出版社 2003, ISBN 7-80113-304-8
  • Michael van Walt van Praag: The Status of Tibet. History, Rights and Prospects in International Law. Wisdom Publications, 1987, ISBN 0-86171-070-3
  • Geoffrey Samuel: Civilized Shamans. Buddhism in Tibetan Societies. Smithsonian Books, Washington, D.C./ London 1993, ISBN 1-56098-620-4
  • David Snellgrove & Hugh Richardson: A Cultural History of Tibet. 3. ediziun. Orchid Press, 2004, ISBN 974-524-033-8
  • Tsering Shakya: The Dragon in the Land of Snows: A History of Modern Tibet since 1947. Penguin Compass, New York 2000, ISBN 0140196153
  • Zhang Tianlu: Population Development in Tibet and Related Issues. Foreign Languages Press, Beijing 1997, ISBN 7-119-01867-1
  • Zheng Shan: A History of Development of Tibet. Foreign Languages Press, Beijing 2000, ISBN 7-119-01865-5

[editar] Colliaziuns

Gruppas tibetanas en exil e dretgs umans
La regenza chinaisa
Artitgels spezials
Da "http://rm.wikipedia.org/wiki/Tibet"
Utensils persunals