David Last
|
Questa pagina è scritta en puter. |
David Last (* 25 d'avuost 1969 a Cologna in Germania dal vest) es ün ravarenda refurmo a Sagogn, Laax e Falera. El gniva cuntschaint dal 2009 causa ch'el elavuraiva artichels da Vichipedia davart tuots edifizis sacrels da la Baselgia evangelica refurmeda dal Grischun. Quistas activiteds chaschunaivan ün grand rebomb illas medias da la Svizra.
Vita
[modifitgar | modifitgar il code]David Last creschaiva sü a Bergisch Gladbach, üna cited dastrusch sper la metropola Cologna. Sieus stüdis da teologia ho'l absolt a Münster in Vestfalia, a Tübingen ed a Turich.
Sia prüma plaiv d'eira Ramosch in l'Engiadina Bassa. In seguit lavuraiva'l i'l chantun Vallais a Brig-Glis e zieva sieu retuorn al Grischun a Tschiertschen, aunz ch'el surpigliaiva il pöst dal ravarenda a Puntraschigna vi da la baselgia San Niculò. Daspö 2014 es el ravarenda in la Foppa e sto a Sagogn, respunsabel eir per la diaspora a Laax e Falera.
In la sted dal 2011 ho'l cumanzo a doctorer tar Johannes von Lüpke, professur per teologia sistematica a la Scoula ota ecclesiastica da Wuppertal e Bethel, cun üna perscrutaziun chi tratta da dumandas linguisticas da l'ouvra da Siegbert Stehmann.
David Last es marido ed ho quatter iffaunts.
Litteratura
[modifitgar | modifitgar il code]- Artichel sün ref.ch
- «Wie ein Akt gegen die eigene Eitelkeit», Artichel illa Reformierten Presse
- Die Online-Mission des Bündner Pfarrers, Artichel illa Reformierten Presse