Domat

Questa pagina è scritta en sursilvan. Igl exista er in artitgel davart il medem tema en rumantsch grischun.

Domat
Vischnaunca politica
Domat en direcziun Cuera
Vopna
Administraziun
Stadi	Svizra
Chantun	Grischun
Regiun	Plaun
President communal	Erich Kohler (PCD)
Territori
Autezza	586 m s.m.
Surfatscha	24,22 km²
Populaziun	8244 abitants (31 da december 2021)
Spessezza	312 ab./km²
Autras infurmaziuns
Numer postal	7013
Preselecziun	081
Numer UST	3722
Internet
Pagina-web uffiziala
Lexicon istoric retic

Domat ( [ˈdomɐt]^?/i, tudestg Ems) ei ina vischnaunca en il cantun Grischun en la Svizra; ella tucca tar il district dal Plaun. Domat/Ems ei dapi l'onn 1943 il num ufficial dalla vischnaunca.

Domat ha biaras baselgias. Quellas muossan ils differents stadis co la vischnaunca ei carschida. La pli veglia baselgia ei quella da Sogn Pieder al pei dalla Tuma Castè. Al posses dalla vischnaunca da Domat sauda era l‘Alp Ranasca sur Pigniu.

Enconuschenta lunsch entuorn ei la vischaunca da Domat pervia da sias dudisch tumas.

Tochen el 19. tschentaner tschintschavan tuts romontsch a Domat. Ella secunda mesadad dil 19. tschentaner ei adina vegniu discurriu dapli tudestg. Mo la majoritad dils habitonts tschintschava aunc adina romontsch. Suenter la secunda uiara mundiala ei adina vegniu discurriu dapli tudestg.

Populaziun

Svilup da la populaziun
Onn	1850	1900	1941	1960	1970	1980	1990	2000	2020
Populaziun	1247	1504	1955	3469	5701	6266	6442	6372	8185

Cultura ed attracziuns

Domat ei enconuschents per sias processiuns. La pli enconuschenta processiun ei quella da Sontgilcrest che vegn festivada diesch dis suenter Tschuncheismas. Medemamain han las processiuns da Nossadunna d'uost (el dialect da Domat: Nossadunna d'avust) sco era quella da Venderdis sogn in plaz fix ella veta religiusa e culturala dil vitg.

In plaz fix ella vita culturala da Domat ha era il tscheiver (el dialect da domat: bagordas). Il tscheiver ha liug duront quater dis e finescha cun il «vendergis mellen». Il punct culminont ei la gievgia grassa cun il til da tscheiver.

Baselgias

Enzatgei che dat en egl, ein las biaras baselgias e capluttas che muossan ils differents stadis da svilup dil vitg. En tut ha Domat siat edifzis sacrals. Il pli vegl sanctuari ei la baselgia Sogn Pieder al pei dalla Tuma Casté. Il pli giuven baghetg ei la baselgia refurmada ch'ei vegnida erigida igl onn 1964.

• Baselgia Sogn Pieder
• Baselgia Sogn Gion
• Baselgia parochiala Katholische Pfarrkirche Mariä Himmelfahrt
• Caplutta Nossadunna dallas dolurs
• Caplutta Sogn Antoni
• Caplutta S. Frena
• Baselgia refurmada