Fögl Ladin

Ord Wikipedia
Midar tar: navigaziun, tschertga
Fögl Ladin
Logo Foegl Ladin.png

Pajais Flag of Switzerland.svg Svizra
Lingua(s) rumantsch (ladin)
Cumpara duas giadas l'emna
Gener surtut linguistica e cultura
Ediziun passa 3.500[1] ex. (?)
Data da fundaziun 1940
Lieu d'ediziun Samedan

ISSN -

Il Fögl Ladin è stà ina gasetta rumantscha-ladina che provediva l'Engiadina, Bravuogn e la Val Müstair cun novitads. La gasetta aveva ina tenuta politica liberala ma n'era betg l'organ d'ina partida. Ella aveva in focus tematic sin aspects linguistics e culturals.

Istorgia[modifitgar | modifitgar il code]

Il Fögl Ladin è sortì il schaner 1940 ord la fusiun dal Fögl d'Engiadina (fundà l'onn 1857) e da la Gazetta Ladina (fundada l'onn 1912). Il prim da schaner 1970 ha la gasetta surpiglià Il Giuven Jauer (fundà l'onn 1938). El era cun quai l'emprima gasetta che cuvriva l'entira Engiadina e la Val Müstair.

Ils redacturs dal Fögl Ladin eran, in suenter l'auter, Robert Ganzoni (1940-46), Men Rauch (1946-58), Domenica Messmer (1946/1958-70), Jon Manatschal (1979-86), Toni Kaiser (1987 - fanadur 1991) ed Enrico Kopatz (1991-96, per part ensemen cun Baldina Cantieni Kobi e Bettina Fluor).

Tras l'integraziun da l'Engadiner Post l'onn 1987 è il Fögl Ladin daventà per in curt temp ina publicaziun bilingua ladin-tudestga. L'ultim numer dals 12 da december è cumparì en in'ediziun da 3'255 exemplars. Dapi ils 6 da schaner 1997 è il Fögl Ladin vegnì integrà sco part regiunala en la nova gasetta dal di rumantscha La Quotidiana.

Funtaunas[modifitgar | modifitgar il code]

  1. Dagmar Richter, Sprachenordnung und Minderheitenschutz im schweizerischen Bundesstaat: Relativität des Sprachenrechts und Sicherung des Sprachfriedens (p. 402), Springer, 2005

Colliaziuns[modifitgar | modifitgar il code]