Fuond

Ord Wikipedia
Jump to navigation Jump to search
Fuond
Vopna da Fuond
Datas fundamentalas
pajais federativ: Tirol
district: Landeck
Numer postal: 6542
Numer d'auto: LA
Numer da vischnanca: 7 06 17
Coordinatas: 46° 58′ N n.
10° 32′ O o.
Autezza: 970 m.s.m.
Surfatscha: 140.36 km²
Abitants: 2'577 (1. schaner 2016)
Website: www.pfunds.tirol.gv.at
Posiziun da Fuond
Fuond


Fuond ( [fuə̯nt]?/i, tud. Pfunds) è ina vischnanca austriaca cun 2577 abitants (1. da schaner 2016). Ella sa chatta en il district da Landeck en il Tirol.

Geografia[modifitgar | modifitgar il code]

Situaziun geografica[modifitgar | modifitgar il code]

Fuond sa chatta en la cuntrada Oberes Gericht, la part sisum da la Val da l'En tirolaisa, en vischinanza dals cunfins cun la Svizra e l'Italia. Sper la punt da Kajetan sa spartan las vias per Spiss e vinavant a Samignun sco era per Danuder ed al pass dal Raisch.

Fracziuns[modifitgar | modifitgar il code]

La vischnanca consista da las fracziuns Stuben a la spunda sanestra da l'En al cugn alluvial dal Stubnerbach, Pfunds-Dorf a la spunda dretga da l'En al cugn alluvial dal Radurschlbach sco er ils aclauns Wand, Vorderkobel, Hinterkobel, Birkach, Lafairs, Stein e Greit. Las parts da la vischnanca èn colliadas ina cun l'autra tras ina punt da legn ch'è vegnida construida il 1950 en il stil dal 19avel tschientaner. Ils cugns alluvials dals auals mainan l'En tras duas stortas marcantas.

Vischnancas cunfinantas[modifitgar | modifitgar il code]

Kaunertal, Danuder, See, Serfaus, Spiss, Tösens.

En il Grischun (Svizra): Valsot.

En il Tirol dal Sid (Italia): Curun (Graun).

Istorgia[modifitgar | modifitgar il code]

Fuond è vegnida numnada l'emprima giada en in document dal 1282. En il center dad omaduas fracziuns datti imposantas chasas a suler central (Mittelflurhäuser) cun tetgs a piz cun penslas largias, scalas avertas e picturas da fatschadas en stil engiadinais. In exempel represchentativ è l'anteriur palaz da giustia a Stuben. Questas chasas èn ina perditga per la bainstanza dal lieu dal temp, cura ch'il traffic commerzial tranter Augsburg e Vaniescha manava anc per il Oberer Weg, il pass dal Raisch ed il Fernpass. La Baselgia da Nossadunna (Liebfrauenkirche) a Stuben è vegnida erigida l'onn 1470 en stil gotic tardiv; il 1680 ha'la survegnì in altar baroc.

Durant l'aua gronda en las Prealps l'onn 2005 è il Stubnerbach creschì sur las rivas ed ha cuvrì ina part dal vitg cun glera.

Economia[modifitgar | modifitgar il code]

En ils onns 1980 è Fuond sa posiziunà sco „vischnanca ecologica“. Igl ha dà plans da deviar l'En dal cunfin svizzer tras in chanal cun in implant electric fin a Prutz. Quai ha persvadì ils abitants metter la vita en il vitg sut la parola „durabel ed ecologicamain cumpatibel“. Ins ha mess patg sin implants solars, il diever da chalur en verandas d'enviern ed in implant da stgaudar central senza substanzas nuschaivlas cun biomassa e retagls da laina.

Ozendi è Fuond ina vischnanca da turissem bistagiunal che profitescha da las regiuns da schis damanaivlas a Samignun e Danuder.

Persunalitads[modifitgar | modifitgar il code]

Persunalitads naschidas a Fuond[modifitgar | modifitgar il code]

Galaria da fotos[modifitgar | modifitgar il code]

Colliaziuns[modifitgar | modifitgar il code]

Commons
Commons: Fuond – Collecziun da maletgs, videos e datotecas d'audio